11 اقپاندا «بورىشكەر» ءىس-شاراسى اياسىندا قىزىلوردا وبلىسى پد اكىمشىلىك پوليتسيا باسقارماسىنىڭ قىزمەتكەرلەرى, پروكۋراتۋرا وكىلدەرى جانە سوت ورىنداۋشىلارى بىرلەسكەن رەيدتە 34 جاستاعى وبلىس تۇرعىنىنىڭ باسقارۋىنداعى رەسەيلىك ءنومىرلى جەڭىل اۆتوكولىكتى ۇستادى. ول بىرنەشە اي ىشىندە جىلدامدىق رەجيمىن 181 مارتە بۇزعان, دەپ حابارلايدى Egemen.kz
قۇقىق بۇزۋشىلىقتى اۆتوماتتى تۇردە انىقتايتىن «اركان» قۇرىلعىسى ارقىلى بۇل اۆتوكولىككە 2020 جىلدىڭ 12 ماۋسىمى مەن 2021 جىلدىڭ 11 اقپانى ارالىعىندا 3 ملن 591 مىڭ 265 تەڭگە سوماسىندا ايىپپۇل سالىنعان.
سونداي-اق, جۇرگىزۋشى كولىكتى ساقتاندىرۋ قۇجاتسىز تەك جۇرگىزۋشى كۋالىگىمەن باسقارعانى انىقتالدى. اۆتوكولىك ايىپپۇل تۇراعىنا قويىلدى, قۇقىق بۇزۋشى سالىنعان ايىپپۇلداردى تولەۋى ءتيىس.
جۇرگىزۋشىگە قر اقبتك-ءنىڭ 612-بابى 1-بولىگىمەن حاتتاما راسىمدەلىپ, جينالعان قۇجاتتار سوتقا جولداندى.