سقو قىزىلجار اۋدانى سوكولوۆ كەنتىندەگى «ديزەل» جشس قويماسىنا قۇلپىن بۇزىپ جەلتوقسان ايىنىڭ ورتاسىندا ۇرى تۇسكەن ەدى, دەپ حابارلايدى Egemen.kz
قاسكۇنەم قىمبات ستانوكتاردىڭ قۇرىلعىلارىن, ەلەكترموتوردى, ءتۇرلى ماركالى كابەل سىمدارىن قولدى ەتكەن. تسەحقا ورناتىلعان بەينەباقىلاۋ جۇيەسىن دە ىستەن شىعارعان, بەينەتىركەۋىش جوعالعان.
سول ۇرلىق جۋىردا سوكولوۆ كەنتى پوليتسيا بولىمشەسىنىڭ جانە قىزىلجار اۋدانىنىڭ پب كريمينالدىق پوليتسيا ءبولىمىنىڭ كۇشىمەن اشىلدى. ونى ىستەگەن سوكولوۆ كەنتىنىڭ 1995 جىلعى تۇرعىنى ۇستالدى. ول جالعا الىنعان كورشى تسەحتا جۇمىس ىستەپ, بۇرىن دا ۇرلىق قىلىپ, جۇمىستان قۋىلعان ەكەن. ەلەكترقۇرىلعىلارىمەن جۇمىس ىستەۋدى جاقسى مەڭگەرگەن.
ۇرى كىناسىن مويىندادى. قىزىلجار اۋدانى پب باستىعىنىڭ ورىنباسارى پوليتسيا مايورى باحتيار ەسىموۆ ونىڭ ۇستىنەن قىلمىستى ءىس قوزعالىپ, سوتقا دەيىنگى تەرگەپ-تەكسەرۋلەردىڭ بىرىڭعاي تىزىلىمىنە ەنگىزىلگەنىن ايتتى. ۇرىعا قاتىستى كەلۋى تۋرالى مىندەتتەمە تۇرىندەگى بۇلتارتپاۋ شاراسى قابىلداندى. ۇرلانعان زاتتاردىڭ ءبىر بولىگى يەسىنە قايتارىلدى.