ارالاس جەكپە-جەك فايتەرى, قازاقستاندىق سپورتشى قۋات حاميتوۆ كەلەسى جەكپە-جەگىن كوكتەمدە وتكىزۋدى جوسپارلاپ وتىر, دەپ حابارلايدى Egemen.kz
بۇل تۋرالى «نايمان» ءوزىنىڭ Instagram-داعى پاراقشاسىندا: «كەلەسى جەكپە-جەكتى قازاقستاندا رامازانعا دەيىن وتكىزەمىن!», دەپ جازدى.
ايتا كەتەيىك, بيىل قاسيەتتى رامازان ايى 14 ساۋىردە باستالادى.
قۋات حاميتوۆتىڭ سوڭعى جەكپە-جەگى قاڭتار ايىندا ماگنيتوگورسك قالاسىندا (رەسەي) ءوتتى. وندا ول 50 سەكۋند ىشىندە رەسەيلىك ماكسيم پانتەلەەۆتى نوكاۋتقا تۇسىرگەن ەدى.
سونداي-اق وتكەن ايدىڭ سوڭىندا حاميتوۆ المالى اۋداندىق سوتى دەزينفەكتورلارعا قاتىستى زورلىق-زومبىلىققا شاقىرعانى ءۇشىن ونىڭ التى ايعا باس بوستاندىعىن شەكتەۋ تۋرالى ۇكىم شىعارعان. سوندىقتان حاميتوۆكە وسى ۋاقىت ارالىعىندا ەلدەن كەتۋگە تىيىم سالىندى.