سولتۇستىك قازاقستان وبلىسىنىڭ پوليتسەيلەرى دە اقپاننىڭ 9-نان 12-ءسى ارالىعىندا رەسپۋبليكالىق «تۇرمىس» جەدەل-پروفيلاكتيكالىق ءىس-شاراسىن وتكىزگەن. ونىڭ ماقساتى – وتباسى-تۇرمىستىق قاتىناستار سالاسىنداعى قۇقىق بۇزۋشىلىقتار مەن قىلمىستارعا جول بەرمەۋ. پوليتسەيلەر پروفيلاكتيكالىق ەسەپتەردە تۇرعان ادامداردى تەكسەرىپ, قۇقىق بۇزۋشىلىقتاردى جاساۋعا بەيىم تۇلعالاردى انىقتادى.
وسى وپەراتسيانىڭ بارىسىندا ايىرتاۋ اۋدانى پوليتسيا ءبولىمىنىڭ قىزمەتكەرلەرى اۋدان ورتالىعى ساۋمالكول تۇرعىنىنىڭ گاراجىنان بەس ليترلىك 125 بوتەلكەگە قۇيىلىپ, ساتۋعا دايىنداپ قويعان قۇرامىندا 625 ءسپيرتى بار ءونىمدى تاركىلەدى. ۋچاسكەلىك پوليتسيا ينسپەكتورلارى ەشقايدا جۇمىس ىستەمەيتىن 41 جاستاعى ەر ادامنىڭ وسىلاي سۋمەن ارالاستىرىلعان ءسپىرتتى اراق ورنىنا ساتىپ كەلگەنىن انىقتادى. زاڭسىز الكوگول الىنىپ, ساراپتاماعا جىبەرىلدى, كاسىپكەرلىكپەن زاڭسىز اينالاسقانى ءۇشىن اۋدان تۇرعىنىنا قاتىستى اكىمشىلىك ماتەريال جيناستىرىلىپ, سوتقا جىبەرىلدى.
ءىس-شارانىڭ ءۇش كۇنىندە الكوگولدىك ونىمدەردىساتۋ زاڭناماسى تالاپتارىنىڭ بارلىعى 14 بۇزۋشىلىعى انىقتالدى. تۇرمىستىق زورلىق-زومبىلىقتىڭ 38 فاكتىسى تىركەلدى, ولاردىڭ 7-ءسى ءۇي-ءۇيدى ارالاۋ كەزىندە انىقتالدى. جالپى 530 قۇقىق بۇزۋشىلىق تىركەلدى.