جەزقازعان تەمىرجول ۆوكزالىندا ۇستالعان ەر ادامنان 2,5 كەلى ماريحۋانا تاركىلەندى.
جەلىلىك پوليتسيا بولىمشەسىنىڭ قىزمەتكەرلەرى جەزقازعان قالاسى تەمىرجول ۆوكزالىنىڭ پەررونىندا 45 جاستاعى ەر ادامدى ۇستادى. تەكسەرۋ بارىسىندا ۇستالعان ادامنىڭ سومكەسىنەن ەرەكشە ءيىسى بار, قويۋ جاسىل ءتۇستى وسىمدىككە تولتىرىلعان, كولەمى 5 ليترلىك پلاستماسسا بوتەلكە تاركىلەنگەن.
«ساراپتاماعا سايكەس, تاركىلەنگەن زات جالپى سالماعى 2 كگ 435 گرامم اسا ءىرى مولشەردەگى ماريحۋانا ەكەنى انىقتالدى. اتالعان فاكتى بويىنشا كولىك پوليتسەيلەرى قىلمىستىق كودەكستىڭ 296-بابى 4-بولىگىمەن, ياعني, اسا ءىرى مولشەردەگى ەسiرتكi تاسىمالداۋ بويىنشا سوتقا دەيىنگى تەرگەۋ امالىن باستادى», دەلىنگەن حابارلامادا.
ەسكە سالا كەتەيىك, جىل باسىنان بەرى كولىكتەگى پوليتسيا دەپارتامەنتىنىڭ قىزمەتكەرلەرى زاڭسىز اينالىمنان 6 كەلىدەن استام ءتۇرلى ەسىرتكى تاركىلەپ, 52 ەسىرتكى قىلمىسىن اشتى.