نۇرسۇلتان نازارباەۆ قورىنىڭ جانىنداعى الەمدىك ەكونوميكا جانە ساياسات ينستيتۋتى (اەسي) الاڭىندا سارا الپىسقىزى نازارباەۆانىڭ قايىرىمدىلىق جانە پەداگوگيكا سالاسىنداعى قوعامدىق باستامالارىن تالقىلاۋعا ارنالعان ونلاين-كونفەرەنتسيا ءوتتى.
الماتى قالاسىنداعى اەسي كەڭسەسىنىڭ باسشىسى ليديا پارحومچيك ءىس-شارانىڭ مودەراتورى بولدى. ليديا پارحومچيك ءوزىنىڭ كىرىسپە سوزىندە سارا نازارباەۆانىڭ پەداگوگيكالىق جانە گۋمانيتارلىق مۇراسىنىڭ ماڭىزدىلىعىن, سونداي-اق پاندەميالىق شىنايىلىق جاعدايىندا جاس ۇرپاقتىڭ مۇددەلەرىن قامتاماسىز ەتۋ جانە ونىڭ ادامگەرشىلىك-رۋحاني تاربيەسى ماسەلەلەرىنىڭ ەرەكشە وزەكتىلىگىن اتاپ ءوتتى. ونلاين-كونفەرەنتسيانى اشقان قوعام قايراتكەرى, قازاقستان رەسپۋبليكاسىنداعى بالا قۇقىقتارى جونىندەگى ۋاكىل (2016-2018), قازاقستان رەسپۋبليكاسى پارلامەنتى ءماجىلىسىنىڭ IV جانە VI شاقىرىلىمدارىنىڭ دەپۋتاتى زاعيپا باليەۆا سارا نازارباەۆانىڭ جوبالارى قايىرىمدىلىق پەن پەداگوگيكا سالاسىندا ەتالونعا اينالعانىن اتاپ ءوتتى.
«بوبەك» قايىرىمدىلىق قورىن قۇرۋ, SOS بالالار اۋىلدارىن ۇيىمداستىرۋ, مەكتەپ باعدارلاماسىنا ء«وزىن-ءوزى تانۋ» ءپانىن ەنگىزۋ سياقتى باستامالار ەلىمىزدىڭ, بالالارىمىزدىڭ بولاشاعىن تاربيەلەۋ سالاسىندا جۇزەگە اسىرىلعان, جۇمىس ىستەيتىن جانە باعا جەتپەس پايدا اكەلەتىن جوبالار بولىپ تابىلادى», - دەدى سپيكەر.
اتاپ ايتقاندا, ز. باليەۆا كونفەرەنتسياعا قاتىسۋشىلاردىڭ نازارىن قازاقستان اۋماعىنداعى SOS بالالار اۋىلدارى جوباسىن ماسشتابتاۋ قاجەتتىلىگىنە اۋداردى: «بۇگىنگى تاڭدا SOS بالالار اۋىلدارى 4 وڭىردە جۇمىس ىستەيدى.
ونىڭ ۇستىنە, ءبىز مەكەمە تاجىريبەسىن بالالار ۇيلەرىن ترانسفورماتسيالاۋ ءۇشىن دە پايدالانۋىمىز كەرەك. ءار بالاعا وتباسى كەرەك, ال جوبادا قولدانىلاتىن تاسىلدەر قولداۋ تاۋىپ, قۇپتالۋى كەرەك». پىكىرتالاستى «بوبەك» ۇعپببسو رمقك باس ديرەكتورى ەلەنا ساكەنوۆا جالعاستىردى, ول سارا نازارباەۆانىڭ قايىرىمدىلىق مۇراسىنا جانە ونىڭ پەداگوگيكا سالاسىنا قوسقان ۇلەسىن باعالادى.
«بوبەك» بالالار قورى پرەزيدەنتتىڭ الەۋمەتتىك-پەداگوگيكالىق قىزمەتىنىڭ كەڭ اۋقىمىنا ءجۇرىپ وتكەن جولىنىڭ شىڭىنان قاراساق, قوعامنىڭ سالاۋاتتى جارقىن كۇشتەرىن جۇمىلدىرا بىلگەن جانە ارقايسىسى سۇيىسپەنشىل ءارى جاناشىر قۋات قاينارىنان باستاۋ الاتىن ىزگىلىكتى دە جاسامپاز ىستەردىڭ ۇزدىكسىز جالعاسىن تابۋى رۋحىمىزدى اسقاقتاتادى», دەپ لەبىز ءبىلدىردى ە. ساكەنوۆا.
سارا نازارباەۆانىڭ تۇلعالىق فەنومەنىن سيپاتتاي وتىرىپ, سپيكەر ونىڭ قوعامدىق باستامالارىنىڭ نەگىزگى ساتتەرىن اتاپ ءوتتى. ەلەنا ساكەنوۆانىڭ پىكىرىنشە, «وتباسىلىق بالالار ۇيلەرى» مەن «جاسوسپىرىمدەر ۇيلەرى تۋرالى» زاڭنىڭ قابىلدانۋى قازاقستاننىڭ قوعامدىق ءومىرىنىڭ تاريحىنداعى جانە سارا الپىسقىزىنىڭ تاعدىرىنداعى شەشۋشى ءسات بولدى. ول زاڭ ارقىلى بالالار پروبلەمالارىن شەشۋ جانە بالالىق شاقتى الەۋمەتتىك قولداۋدا مەملەكەتتىڭ جاۋاپكەرشىلىگى رەسمي تۇردە بەكىتىلدى.
سارا الپىسقىزى قوعام قايراتكەرى تالانتىنىڭ ارقاسىندا قازاقستانداعى بالالىق شاقتى الەۋمەتتىك پەداگوگيكالىق قولداۋ ينستيتۋتىن تولىق ءارى ناقتى ۇيىمداستىرۋشىلىق راسىمدەۋگە قول جەتكىزدى. ءبىلىم مينيسترلىگىنىڭ قۇرىلىمىندا بالالار قۇقىقتارىن قورعاۋ كوميتەتىنى جانە بالالار قۇقىقتارىن قورعاۋ جونىندەگى وبلىستىق دەپارتامەنتتەر قۇرىلدى, وسىلايشا جاس قازاقستاندىقتارعا مەملەكەتتىك قامقورلىق كورسەتۋ جۇيەلى سيپاتقا يە بولدى, - دەپ اتاپ ءوتتى سپيكەر.
«SOS قازاقستاننىڭ بالالار اۋىلى» كورپوراتيۆتىك قورىنىڭ ۇلتتىق ديرەكتورى گۋلجان اسانوۆا بالالاردىڭ, اسىرەسە جەتىم بالالاردىڭ پروبلەمالارىن شەشۋگە سارا نازارباەۆانىڭ قوسقان ۇلەسى تۋرالى ءوز پىكىرىمەن ءبولىستى. «سارا الپىسقىزى SOS بالالار اۋىلدارىن ۇنەمى قولداپ جۇرەدى, سىيلىقتار جىبەرىپ, بالالارمەن تىلدەسەدى. وتكەن جىلى كارانتين كەزىندە سارا الپىسقىزى بالالاردىڭ قاجەتتىلىكتەرىنە ءبىرىنشى بولىپ كومەك قولىن سوزدى» , دەدى گ.اسانوۆا.
سپيكەردىڭ ايتۋىنشا, سارا نازارباەۆانىڭ قولداۋىنىڭ ارقاسىندا بالالار اۋىلدارىندا بالالار مەن قىزمەتكەرلەردىڭ دەنساۋلىعى مەن قاۋىپسىزدىگىنە قامقورلىق جاساۋ ءۇشىن ءدارى-دارمەكتەر, دەزينفەكتسيا جانە قورعانىش قۇرالدارى جەتكىلىكتى بولعان. وقۋشىلار مەن ستۋدەنتتەر قاشىقتىقتان وقۋ رەجيمىنە وڭاي كوشتى, سەبەبى ءاربىر وتباسىلىق ۇيدە ىڭعايلى وقۋ ءۇشىن قوسىمشا نوۋتبۋكتەر, مونيتورلار جانە باسقا دا جابدىقتار ورناتىلعان بولاتىن.
«SOS قازاقستانداعى بالالار اۋىلى» قورىنىڭ قىزمەتكەرلەرىمەن وتكەن ءاربىر كەزدەسۋدە سارا الپىسقىزى «بالانىڭ بوتەندىگى جوق» دەيدى. ءبىزدىڭ ۇيىمنىڭ بارلىق جۇمىسى وسى دانا سوزدەرمەن ۇشتاسقان», - دەپ قورىتىندىلادى گۇلجان اسانوۆا. كونفەرەنتسيا بارىسىندا «ادامنىڭ ۇيلەسىمدى دامۋى ۇلتتىق ينستيتۋتى» كەاق پرەزيدەنتىنىڭ م.ا. يرينا كالاچيوۆا سارا الپىسقىزى نازارباەۆا اۆتورى بولىپ تابىلاتىن, ادامنىڭ ۇيلەسىمدى دامۋ باعدارلاماسىنىڭ دامۋ جولى تۋرالى ايتىپ بەردى. باعدارلاما عىلىمي زەرتتەۋلەردەن, عىلىمي ىزدەنىستەردەن, پيلوتتىق جوبانى ىسكە اسىرۋدان ء«وزىن-ءوزى تانۋ» ءپانىن ەلىمىزدىڭ ءبىلىم بەرۋ جۇيەسىنە ەنگىزۋگە جانە ودان ءارى ادامنىڭ ۇيلەسىمدى دامۋىنىڭ ۇلتتىق ينستيتۋتىن اشۋعا دەيىنگى ۇلكەن دامۋ جولىنان ءوتتى.
«ۇلتتىق ينستيتۋت قىزمەتىنىڭ ماقساتى ءبىلىم بەرۋ جۇيەسىنىڭ بارلىق دەڭگەيلەرىندە ادامنىڭ ۇيلەسىمدى زياتكەرلىك جانە ادامگەرشىلىك-رۋحاني دامۋىنا تاربيەلەۋ مەن وقىتۋ جۇيەسىنىڭ نەگىزى بولىپ تابىلاتىن ء«وزىن-ءوزى تانۋ» ادامگەرشىلىك-رۋحاني ءبىلىم بەرۋ باعدارلاماسىن ىسكە اسىرۋ بولىپ تابىلادى», دەدى ي.كالاچيوۆا.