گەرمانيادا كوروناۆيرۋسقا قارسى ۆاكتسينا شىعاراتىن جاڭا زاۋىت سالىندى

«BioNTech» ۆاكتسيناسىن جاساۋشى گەرمانيانىڭ ماربۋرگ قالاسىنداعى (فرانكفۋرت قالاسىنان 75 شاقىرىم جەردە) جاڭا زاۋىتتا امەريكالىق الىپ «Pfizer»-مەن بىرگە جاسالعان COVID-19 ۆاكتسيناسىن شىعارۋدى باستادى. بۇل نىسان ەۋرووداققا ۆاكتسينالار جەتكىزۋ كولەمىن ەداۋىر ارتتىرادى.

ء«بىز ماربۋرگتەگى زاۋىتتا وندىرىستىك پروتسەستى ءبىرىنشى كەزەڭنەن باستادىق: بەلسەندى فارماتسەۆتيكالىق ينگرەديەنت سانالاتىن مرنق بولشەكتەرىن شىعارلۋدا», دەلىنگەن «BioNTech» كومپانياسىنىڭ حابارلاماسىندا.

تەحنيكالىق پروتسەدۋرالاردان كەيىن تازارتىلعان جانە كونتسەنتراتسيالانعان ءونىم زارارسىزداندىرىلعان جاعدايدا جۇمىستى اياقتاۋ ءۇشىن «وندىرىستىك سەرىكتەس» الاڭىنا تاسىمالدانادى, دەيدى كومپانيا وكىلدەرى.

2021 جىلدىڭ ءبىرىنشى جارتىسىندا «BioNTech» ماربۋرگتەگى كاسىپورنىندا COVID-250 ۆاكتسيناسىنىڭ 19 ميلليونعا دەيىن دوزاسىن شىعارۋدى جوسپارلاپ وتىر. ەۋروپالىق دارىلىك زاتتار اگەنتتىگى (EMA) وسى زاۋىتتا اعىمداعى جىلدىڭ اقپان-ناۋرىز ايلارىندا وندىرىلگەن مەديتسينا پرەپاراتتارىنىڭ ساپاسىنا العاشقى تەكسەرۋ جۇرگىزەدى دەپ كۇتىلۋدە.

كومپانيا وكىلدەرى گەرمانياداعى كاسىپورىننىڭ جىلدىق وندىرىستىك قۋاتى 750 ميلليون دوزانى قۇرايتىنىن مالىمدەدى. ءوندىرىس كولەمىن كەڭەيتۋ ءۇشىن «BioNtech» كومپانياسى وتكەن جىلى شۆەيتساريالىق فارماتسەۆتيكالىق الپاۋىت «Novartis» كومپانياسىنان ماربۋرگ زاۋىتىن ساتىپ العان بولاتىن, وندا 300-گە جۋىق قىزمەتكەر جۇمىس ىستەگەن. جاڭا يەلەرى الدىڭعى قىزمەتكەرلەردى قالدىرعانىن اتاپ ءوتتى.