جوعارعى سوتتىڭ قىلمىستىق ىستەر جونىندەگى قاداعالاۋشى سوت القاسىنىڭ توراعاسى اقىلتاي قاسىموۆ سولتۇستىك قازاقستان وبلىستىق سوتىنىڭ قىزمەتكەرلەرىنە ۇجىمنىڭ جاڭا باسشىسى مۇراتعالي ابرار ۇلى اكەتايدى تانىستىردى.
م. ءا. ابرار ۇلى 1995 جىلى ءال-فارابي اتىنداعى قازاق مەملەكەتتىك ۋنيۆەرسيتەتىنىڭ زاڭ فاكۋلتەتىن بىتىرگەن. ەڭبەك جولىن الماتى قالاسى ادىلەت باسقارماسىنىڭ باس مامانى قىزمەتىنەن باستاعان. ال 1998 -2001 جىلدار ارالىعىندا جوعارىدا اتالعان باسقارما باسشىسىنىڭ ورىنباسارى, سونداي-اق شىعىس قازاقستان وبلىستىق سوت جۇيەسىندە توراعا قىزمەتتەرىن اتقاردى.
2009-2012 جىلدارى شىعىس قازاقستان وبلىسى پروكۋرورىنىڭ ءبىرىنشى ورىنباسارى, 2012 جىلدان جاڭا قىزمەتكە تاعايىندالعانعا دەيىن وبلىستىق سوتتىڭ قىلمىستىق ىستەر جونىندەگى اپەللياتسيالىق سوت توراعاسى بولعان.
جوعارعى سوتتىڭ وكىلى وبلىستىق سوت ۇجىمىنا جاڭا باسشىنى تانىستىرۋ كەزىندە ونىڭ جۇمىسىنا ساتتىلىك تىلەدى.
ءومىر ەسقالي,
سولتۇستىك قازاقستان وبلىسى.