«Nur Otan» پارتياسى سايلاۋدان كەيىنگى ءبىر اي ىشىندە پارتيالىق باقىلاۋ كوميسسياسىنىڭ 233 وتىرىسىن وتكىزىپ, وندا 569 ماسەلە قارالدى. اتاپ ايتقاندا, جالاقىنىڭ ۋاقتىلى تولەنبەۋى سۋدىڭ جوقتىعى, جىلىتۋ جانە كوشەلەردى جارىقتاندىرۋعا قاتىستى شاعىمدار, جاياۋ جۇرگىنشى وتكەلى مەن پاندۋستار سالۋ تۋرالى ۇسىنىستار جانە تاعى دا باسقا ماسەلەلەر بار, دەپ حابارلايدى Egemen.kz.
«Nur Otan» پارتياسى ءباسپاسوز قىزمەتىنىڭ مالىمەتىنشە, اتالعان جۇمىس ەلباسى, پارتيا ليدەرى نۇرسۇلتان نازارباەۆتىڭ تاپسىرماسىنا جانە مەملەكەت باسشىسى قاسىم-جومارت توقاەۆتىڭ «حالىق ۇنىنە قۇلاق اساتىن مەملەكەت» تۇجىرىمداماسىنا سايكەس جۇرگىزىلۋدە.
ماسەلەن, اقتاۋدا «Nur Otan» پارتيالىق باقىلاۋ كوميسسياسى قالا تۇرعىندارىنىڭ جاياۋ جۇرگىنشىلەر وتكەلىن جارىقتاندىرۋعا قاتىستى وتىنىشتەرىن تەكسەردى. تەكسەرۋ بارىسىندا 183 وتكەلدىڭ تەك 8-ءى عانا جارىقتاندىرىلعانى انىقتالدى. اقتاۋ قالاسى اكىمىنىڭ ورىنباسارى ە.ىزبەرگەنوۆ پەن قالالىق كولىك جانە اۆتوموبيل جولدارى ءبولىمىنىڭ باسشىسى ج.قۇباشەۆ تارتىپتىك جاۋاپكەرشىلىككە تارتىلدى. قالا اكىمدىگىنە 2021 جىلدىڭ 1 شىلدەسىنە دەيىن 175 جاياۋ جۇرگىنشىلەر وتكەلىن جارىقتاندىرۋ جۇمىستارىن اياقتاۋ ۇسىنىلدى. قازىرگى ۋاقىتتا جاياۋ جۇرگىنشىلەر وتكەلىنە جارىق ورناتۋ جۇمىستارى باستالىپ تا كەتتى.
پاۆلودار وبلىسىنىڭ اقسۋ قالاسىندا «Nur Otan» پارتياسىنىڭ وكىلدەرى از قامتىلعان كوپبالالى وتباسىلارعا ارناپ سالىنعان ۇيلەردى قاراپ شىقتى. تەكسەرۋ قورىتىندىسى بويىنشا 27 ءۇيدىڭ بىرىندە اقاۋ بارى انىقتالدى. قالا اكىمدىگىنە اقپان ايىنىڭ سوڭىنا دەيىن اتالعان تۇرعىن ۇيگە كۇردەلى جوندەۋ جۇرگىزۋ ۇسىنىلدى.
الماتى قالاسىندا پارتيالىق باقىلاۋ كوميسسياسى «افينا پاللادا» جشس قىزمەتكەرلەرىنىڭ جالاقىسىن ۋاقىتىلى الا الماۋىنا قاتىستى شاعىمى بويىنشا تەكسەرۋ جۇرگىزدى. تەكسەرۋ بارىسىندا 2020 جىلدىڭ قىركۇيەگىنەن باستاپ سەرىكتەستىكتىڭ قىزمەتكەرلەر الدىنداعى قارىزى 25 ملن تەڭگەدەن اساتىنى انىقتالدى. بۇل ماسەلەگە پارتيا ارالاسقاننان كەيىن جۇمىسشىلار الدىنداعى قارىز تولىق وتەلدى.
الماتى وبلىسىندا ەڭبەكشىقازاق اۋدانىنا قاراستى المالى اۋىلىنىڭ تۇرعىندارى اۋىز سۋدىڭ جوقتىعىنا جانە كورسەتىلمەگەن كوممۋنالدىق قىزمەت ءۇشىن نەگىزسىز تولەم الىناتىنىنا شاعىمداندى. بۇل ءىستى «Nur Otan» پارتياسى نازارعا العاننان كەيىن جەرگىلىكتى اتقارۋشى ورگان تۇرعىن ۇيلەرگە سۋ بەرۋدى قالپىنا كەلتىرۋ بويىنشا جوندەۋ جۇمىستارىن جۇرگىزدى. سونداي-اق كوممۋنالدىق قىزمەتتەر قايتا ەسەپتەلدى. ازاماتتاردىڭ وتىنىشتەرىنە ۋاقىتىلى جاۋاپ بەرمەگەنى ءۇشىن كوكتوبە اۋىلدىق وكرۋگىنىڭ اكىمى ج.جىلقىبەكوۆ پارتيالىق جاۋاپكەرشىلىككە تارتىلدى.
قاراعاندى وبلىسىندا مۇگەدەكتەر ارباسىنداعى ەر ادامنىڭ پاندۋستىڭ جوقتىعىنان قازپوشتا بولىمشەسىنە كىرە المايعانى قوعامدا قىزۋ تالقىلاعان ەدى. وسى جاعدايدان كەيىن وبلىستىق كوميسسيا پوشتا جەلىسىنىڭ بارلىق فيليالدارىندا ەرەكشە قاجەتتىلىكتەرى بار ازاماتتار ءۇشىن ىڭعايلى كوتەرىلەتىن ورىننىڭ بار-جوعىن تەكسەرۋ تۋرالى شەشىم قابىلدادى.
«Nur Otan» پارتياسىنىڭ ءباسپاسوز قىزمەتىندە اتاپ وتكەندەي, وتكەن جىلى پارتيالىق باقىلاۋ كوميتەتى مەن كوميسسيالارى جەكە جانە زاڭدى تۇلعالاردىڭ 1150 ءوتىنىشىن قاراپ, 100-دەن استام رەزونانستىق ماسەلە شەشىمىن تاپتى. ورتالىق جانە جەرگىلىكتى اتقارۋشى ورگاندارعا 220-دان استام ۇسىنىم ەنگىزدى. 2020 جىلى 400-دەن استام ادام پارتيالىق جاۋاپكەرشىلىككە تارتىلدى, ولاردىڭ قاتارىندا بىرقاتار ۆيتسە-مينيسترلەر, ءوڭىر اكىمدەرىنىڭ ورىنباسارلارى, ماسليحاتتارداعى فراكتسيا باسشىلارى جانە ت.ب. بار. ولاردىڭ ىشىندە پارتيا جارعىسىنا ساي كەلمەيتىن ارەكەتتەرى ءۇشىن 100-دەن استام ادام «Nur Otan»-نىڭ قاتارىنان شىعارىلدى.