سقو مامليۋت اۋدانىنىڭ تۇرعىنى پب شاعىم جاساپ, ءوزىنىڭ ينتەرنەت الاياقتارعا الدانىپ, 180 مىڭ تەڭگەسىنەن ايىرىلىپ قالعانىن ايتقان. اۋدان تۇرعىنى ينتەرنەتتەن «Mazda» اۆتوكولىگىنىڭ قوزعالتقىشى مەن بەرىلىس قورابى ساتىلاتىنى تۋرالى حابارلاندىرۋ وقىپ, وعان حابارلاسقان.
«ساتۋشىنىڭ» قوسالقى بولشەكتەر بەس كۇندە جەتەدى دەگەن سوزىنە سەنىپ, الدىن الا تولەم جاساعان. وسىدان كەيىن قاسكويمەن اراداعى بايلانىس ءۇزىلىپ, قوڭىراۋعا جاۋاپ بەرىلمەگەن.
اتالعان فاكتى قىلمىستىق كودەكستىڭ 190-بابى - «الاياقتىق» بويىنشا سوتقا دەيىنگى تەرگەپ-تەكسەرۋلەردىڭ بىرىڭعاي تىزىلىمىنە ەنگىزىلىپ, جەدەل-ىزدەستىرۋ ءىس-شارالارى بارىسىندا اۋداننىڭ پب قىزمەتكەرلەرى بۇل ىسكە الماتى قالاسىنىڭ 30 جاستاعى تۇرعىنىنىڭ قاتىسى بارىن انىقتادى. ول جەدەل ۋاكىلدەردىڭ وڭتۇستىك استاناعا قىزمەتتىك ءىسساپارى بارىسىندا ۇستالدى.
«پوليتسيا باق پەن الەۋمەتتىك جەلىلەردىڭ پاراقشالارىندا ءتۇسىندىرۋ جۇمىستارىن جۇرگىزۋدە جانە ادامدارعا ينتەرنەت-الاياقتاردىڭ نەگىزگى سحەمالارىن ايتىپ وتىرامىز, — دەيدى مامليۋت اۋدانىنىڭ پب باستىعى, پوليتسيا پودپولكوۆنيگى سەرىك ءالجانوۆ.