«بۇگىن كوروناۆيرۋس ينفەكتسياسىن جۇقتىرعان ءبىر جاعداي تىركەلدى. انىقتالعان ناۋقاستاردىڭ اراسىندا رەسەي مەن قازاقستاننىڭ وزگە وڭىرلەرىندە جۇمىس ىستەيتىن اقتوبەلىكتەر بار. 14 ادام كارانتين ستاتسيونارىندا. 585 مەديتسينا قىزمەتكەرىنە ۆاكتسينا ەگىلدى», دەدى وبلىس اكىمىنىڭ ءبىرىنشى ورىنباسارى نۇرجاۋعان قالاۋوۆ.
كوروناۆيرۋس ينفەكتسياسىنىڭ بولۋى مۇمكىن ەكىنشى تولقىنىنا دايىندالۋ ماقساتىندا وڭىردە بارلىق شارا قابىلداندى: قاجەت بولعان جاعدايدا توسەك ورىن سانى 445-تەن 3603-كە دەيىن كوبەيەدى, ورىنداردىڭ 80,3%-ى وتتەگىمەن قامتىلىپ, 21 ستاتسيونارلىق رەنتگەن اپپاراتى ورناتىلدى, وكپەنى جەلدەتەتىن 382 اپپارات, 450 وتتەگى كونتسەنتراتى, 626 وتتەگى باللوندارى, 787 بوبروۆ اپپاراتى مەن 424 وتتەگى جاستىعى بار.
جەدەل جاردەم بەكەتى مەن ەمدەۋ مەكەمەلەرىنىڭ اۆتوپاركتەرى 41 سانيتارلىق ماشينامەن تولىعىپ, 6 ءموبيلدى دياگنوستيكالىق كەشەن ساتىپ الىندى, دارىلىك زاتتار مەن جەكە قورعانىس زاتتارىنىڭ ەكى ايلىق قورى جاساقتالدى. نۇرجاۋعان قالاۋوۆ باقىلاۋ توپتارىنىڭ جۇمىسىن قاتاڭ سىنعا الدى.
ونىڭ سوزىنشە, 47 باقىلاۋ توبى 31 مىڭ نىساندى قامتي وتىرا 9673 تەكسەرىس جۇرگىزگەن. 1909 ادام اكىمشىلىك جاۋاپقا تارتىلىپ, 184 ملن. تەڭگە ايىپپۇل سالىندى. اقپان ايىنىڭ باسىنان بەرى اقتوبە قالاسىندا انىقتالعان زاڭ بۇزۋشىلىقتار سانى بىرنەشە ەسەگە ازايعان, بۇعان باقىلاۋدىڭ السىزدىگى دالەل.
سوعان بايلانىستى وبلىس اكىمى توپتاردىڭ جۇمىستارىن قارقىنداتۋدى, سونىمەن قاتار, حالىق اراسىندا ەكپە جونىندەگى اقپاراتتاندىرۋ-ءتۇسىندىرۋ جۇمىستارىن كۇشەيتۋدى تاپسىردى.
«سانيتارلىق-ەپيدەميولوگيالىق جاعدايدى تۇراقتى دەپ ايتۋعا بولمايدى, ول كەز كەلگەن ساتتە ناشارلاپ كەتۋى مۇمكىن. باقىلاۋ توپتارى شەكتەۋ شارالارىن بۇزۋشىلارعا قاتىستى شارالاردى قولدانا وتىرا, جاۋاپكەرشىلىكپەن جۇمىس ىستەۋلەرى قاجەت. قاۋىپ بار. بۇدان باسقا, ءماسليحاتتىڭ بيۋدجەتتى انىقتاۋ جونىندەگى الداعى سەسسياسىندا تۇرعىنداردىڭ اقتوبە قالاسى مەن اۋدان اكىمدەرىنىڭ ەسەپتىك كەزدەسۋلەرىندە ايتقان ۇسىنىستارىن قاراۋىمىز كەرەك»- دەپ اتاپ ءوتتى وڭداسىن ورازالين.
سونىمەن قاتار, ءوڭىر باسشىسى «اقتوبە – ادالدىق الاڭى» جوبالىق كەڭسەسىنىڭ جاڭا باسشىسى بولىپ تاعايىندالعان قۋانىشبەك سەرىكجانوۆتى تانىستىردى.