تۇنگى مەزگىلدە كوشە كەزگەن جاسوسپىرىمدەر ۇستالدى

تەكسەرۋ بارىسىندا جاستاردىڭ ءبارىنىڭ كامەلەت جاسىنا تولماعاندىعى بەلگىلى بولدى. وتكەن جازدا ءدال وسى قىلىعى ءۇشىن ولار ينسپەكتورلاردىڭ كوزىنە ءتۇسىپ ۇلگەرگەن. وسى جولى دا اتا-انالارى شاقىرتىلىپ, اكىمشىلىك كودەكستىڭ 442-بابى بويىنشا حاتتاما تولتىرىلىپ, ءجاسوسپىرىمنىڭ اناسىمەن پروفيلاكتيكالىق سيپاتتاعى اڭگىمەلەسۋ جۇرگىزىلدى.

سقو پد باستىعىنىڭ ءبىرىنشى ورىنباسارى, پوليتسيا پولكوۆنيگى قانات ايتباەۆتىڭ ايتۋىنشا, جىل باسىنان يۋۆەنالدىق پوليتسەيلەر وبلىس بويىنشا 60-تان استام رەيدتىك ءىس-شارالار وتكىزگەن. قاڭتار ايىندا پوليتسياعا كامەلەتكە تولماعان 319 ءجاسوسپىرىم جەتكىزىلىپتى. ونىڭ ىشىندە كامەلەتكە تولماعانداردىڭ تۇنگى ۋاقىتتا ءۇي-جايدان تىس جۇرگەنى ءۇشىن 210 زاڭدى وكىل جاۋاپكەرشىلىككە تارتىلدى. ءتۇرلى قۇقىق بۇزۋشىلىقتار ءۇشىن ءوڭىر اۋماعىندا 8 ءجاسوسپىرىم ەسەپكە قويىلىپتى. بۇگىنگى تاڭدا پوليتسيانىڭ ەسەبىندە 190 ءجاسوسپىرىم تۇر ەكەن. ولاردىڭ ارقايسىسىمەن پوليتسەيلەر مەن ۇستازدار جەكەلەي جۇمىستار جۇرگىزەدى.

پەتروپاۆل