«ون ەكى جاسار بالا جوعالدى» دەگەن حابار پەتروپاۆلدىڭ تۇيمەدەيدى تۇيەدەي ەتىپ الا جونەلەتىن الەۋمەتتىك جەلىلەرىندە تەز تارادى. قازىرگى زاماندا 12 جاسار بالا وزدىگىنەن جوعالماسى بەلگىلى. جامان ويلى بىرەۋلەر ۇرلاپ اكەتپەسە نەمەسە وزدىگىنەن ۇيىنەن قاشىپ كەتپەسە شاعىن قالادا ونداي جاستاعى بالالاردىڭ جوعالۋى مۇمكىن ەمەس.
اداسىپ قالعاننىڭ وزىندە كەز كەلگەن «اعايعا» نەمەسە «اپايعا» ايتىپ, شەشەسىنىڭ نەمەسە اكەسىنىڭ قالتافونىنا حابارلاسا الادى. ءتىپتى ونداي جاستاعى بالالاردىڭ وزدەرىندە دە قالتافون بار. مەكتەپتى قاشىقتان وقۋدىڭ سەبەبىنەن قازىر بارلىق اتا-انالار دا بالالارىنا قالتافون اپەرگەن. سوندا دا اتتانداعان جەلىلەردىڭ اسەرىمەن پوليتسيا مەن ۆولونتەرلەر ورە تۇرەگەلگەن.
«جوعالدى» دەپ حابار تۇسكەننەن كەيىن بالا ەكى ساعاتتىڭ ىشىندە عانا تانىستارىنىڭ ۇيىندە جۇرگەن جەرىنەن امان تابىلدى. نە ءۇشىن «جوعالدى» دەپ جاريالانعانى, نەگە ۇيىنەن كەتكەنى تۋرالى ەش حابار جوق, پوليتسيانىڭ بەرگەن حابارىندا تەك «ەكى ساعاتتىڭ ىشىندە تاپتىق» دەگەن وزدەرىنىڭ جۇمىستارىن اسىرا كورسەتكەن لەپ قانا بار. كورىنگەننىڭ اتىن شىعارۋ ءۇشىن جاساپ العان الەۋمەتتىك جەلىلەرىنە قوسىلىپ, جاساندى ماقتان, كوزبوياۋشى ەرلىكتى كوكىرەك كەرە كورسەتۋ - پوليتسياداي بەدەلدى ورگانعا جاراسپايدى-اق...
پەتروپاۆل