اتىراۋداعى ماحامبەت اۋدانىنا جاڭا اكىم تاعايىندالدى

رينات باۋىرجان ۇلى 1982 جىلى 2 جەلتوقساندا اتىراۋ قالاسىندا دۇنيەگە كەلگەن. ءبىلىمى جوعارى, 2003 جىلى قازاق مەملەكەتتىك زاڭ ۋنيۆەرسيتەتىندە, 2011 جىلى جامبىل گۋمانيتارلىق-تەحنيكالىق ۋنيۆەرسيتەتىندە, ال 2017 جىلى اتىراۋ مۇناي-گاز ۋنيۆەرسيتەتىندە زاڭگەر, ەكونوميست جانە مۇناي-گاز ءىسى ماماندىعى بويىنشا ءبىلىم العان.

ەڭبەك جولىن 2005 جىلى الماتى قالالىق ەكونوميكالىق جانە سىبايلاس جەمقورلىققا قارسى كۇرەس دەپارتامەنتىندە تەرگەۋشى بولىپ باستادى.

2006-2018 جىلدارى بىرنەشە  جەكە كاسىپورىندا باسشىلىق ەتتى. ال 2018-2019 جىلدارى اتىراۋ قالاسى ءماسليحاتىنىڭ حاتشىسى,   2019-2020 جىلدارى اتىراۋ قالاسى اكىمىنىڭ ورىنباسارى لاۋازىمىن اتقاردى.

وتكەن جىلعى قاراشادان بەرى وبلىستىق مەملەكەتتىك ساۋلەت-قۇرىلىس باقىلاۋى باسقارماسىنىڭ باسشىسى بولدى.