قىزىلجارلىق وقۋشى سەنسورلى قوقىس جاشىگىن ويلاپ تاپتى

ونىڭ قاسيەتى سول – ادام قوقىس تاستاماق بولىپ جاقىنداپ كەلسە قاقپاعى وزدىگىنەن اشىلىپ, «قوقىستى قابىلدايدى». وسى سمارت-ۋرنا قازىر بارلىق جەرگىلىكتى باق اۋزىندا, جۋىردا ول سولتۇستىكقازاقستاندىق ونەرتاپقىشتار كونكۋرسىندا ءبىرىنشى ورىن الدى.

وسى زاتتى ويلاپ تابۋعا بار بولعانى ەكى اپتا ۋاقىت قانا جۇمسالعان. الدىمەن كەسكىندەمە جوباسى جاسالىپ, سوسىن بارلىق دەتالدارى جيناقتالعان. وسىدان كەيىن جۇمىس ىستەيتىن باعدارلاماسى ازىرلەنگەن. اقىرى قاقپاعىن ادام جاقىنداعاندا اشاتىن جاشىك دايىن بولعان. وسىنداي شاعىن دۇنيەدەن ءبارى باستالاتىنى بەلگىلى. ەندى ارمان نۇرىشەۆ بۇدان دا زور, بۇدان دا كۇردەلى قۇرىلعىلار ويلاپ تابۋدى ماقسات ەتىپ وتىر. الدىمەن ول وسى جاشىكتى جەتىلدىرۋدى ويلاعان ەكەن. «وندا قوقىس تولسا جاشىك وزدىگىنەن بەزىلدەپ قويا بەرەدى نەمەسە دابىل بەرەتىن بولادى», دەيدى ول.

كەلەسى وقۋ جىلىندا ول ءوزىنىڭ باسقا دا جوسپارلارىن ىسكە اسىرۋدى قولعا الماقشى.

قىزىلجار