سولتۇستىك قازاقستان وبلىسىنىڭ اۋماعىندا سۋ تاسقىنىنا قاتىستى جاعداي سق تج دەپارتامەنتى جانە جەرگىلىكتى اتقارۋشى ورگانداردىڭ تۇراقتى باقىلاۋىندا, دەپ حابارلايدى Egemen.kz.
الداعى سۋ تاسقىنى كەزەڭىنە دايىندىق اياسىندا اققايىڭ, تايىنشا, شال اقىن, ع. مۇسىرەپوۆ, ايىرتاۋ, م.جۇماباەۆ, تيميريازەۆ جانە ەسىل اۋداندارىندا جۇمىس ساپارىمەن سقو تجد باستىعىنىڭ ورىنباسارى, مايور مۇرات قانعوجينوۆ بولىپ قايتتى. ول سۋ تاسقىنىنا قارسى ءىس – شارالاردى وتكىزۋ بويىنشا اۋدان اكىمدەرىمەن جانە جاۋاپتى تۇلعالارمەن كەزدەسىپ, پىكىر الماستى. كەزدەسۋلەردە اۋدان اۋماعىندا سۋ تاسقىنىنىڭ قاۋىپسىز ءوتۋىنىڭ وزەكتى ماسەلەلەرى, جەرگىلىكتى اتقارۋشى ورگانداردىڭ, ازاماتتىق قورعاۋ قىزمەتتەرى جانە قۇرىلىمدارىنىڭ تج الدىن الۋعا, سونداي – اق حالىقتىڭ قاۋىپسىز تىنىس – تىرشىلىگىن قامتاماسىز ەتۋگە دايىندىعى تالقىلاندى.
سونداي-اق تايىنشا اۋدانىنىڭ شاعالى وزەنىندەگى سۋ وتكىزۋ قۇرىلىستارىن, اققايىڭ اۋدانىنىڭ سميرنوۆو, رۋبلەۆكا, ارالاعاش, شال اقىن اۋدانىنىڭ اقانباراق جانە گورودەتسكوە اۋىلدارىنىڭ قورعانىش ۇيىندىلەرىن, ع.مۇسىرەپوۆ اۋدانىنداعى «ەكاتەرينبۋرگ-الماتى» اۆتوجولىنىڭ 769 شاقىرىمىندا ەسىل وزەنى ارقىلى وتەتىن اپاتتى كوپىر تەكسەرىلدى.
«تەك ۋاقىتىلى قابىلدانعان شارالار عانا حالىقتى سەنىمدى قورعاۋعا, ىقتيمال تج دامۋىنا جول بەرمەۋگە قابىلەتتى. ەڭ باستىسى – سۋ تاسقىنى قاۋپىن ازايتىپ, اۋىلداردىڭ قالىپتى تىرشىلىگىن قامتاماسىز ەتۋ», دەيدى مۇرات قانعوجينوۆ.