«اسەل تولەنوۆا (قازىرگى اتى-ءجونى Asel Roberts) اقش مەملەكەتتىك دەپارتامەنتىندە باسشىلىق قىزمەتكە تاعايىندالدى» دەگەن حابارلاما 2021 جىلدىڭ 20 قاڭتار كۇنى اقش مەملەكەتتىك دەپارتامەنتى (U.S. department of state) سايتىندا جاريالانعان.
«اسەل ك.روبەرتس 2021 جىلى 20 قاڭتاردا اقش پرەزيدەنتىنىڭ پروتوكول قىزمەتى باسشىسىنىڭ مىندەتىن اتقارۋشى بولىپ بەكىتىلدى. حاتتاما باستىعى كەڭسەسىندە 15 جىلدان استام جۇمىس تاجىريبەسى بار ونىڭ كەڭسەدەگى سوڭعى قىزمەتى اعا كەڭەسشى. روبەرتس حانىم Georgetown ۋنيۆەرسيتەتىنىڭ ەدمۋند ۋولش اتىنداعى سىرتقى قىزمەت مەكتەبىن حالىقارالىق قۇقىق جانە ۇيىمدار بويىنشا عىلىم باكالاۆرى دارەجەسىمەن ءبىتىردى. ول ورىس, قازاق جانە جاپون تىلدەرىن بىلەدى» - دەلىنگەن اقش مەملەكەتتىك دەپارتامەنتى تاراتقان اقپاراتتا.
اسەل 1976 جىلى الماتىدا دۇنيەگە كەلگەن.1993 جىلى بويجەتكەن اسەل Georgetown ۋنيۆەرسيتەتىنە وقۋعا ءتۇسىپ, ءساتتى اياقتاپ شىققان. اقش پرەزيدەنتى پروتوكولىندا 10 جىلدان بەرى جۇمىس ىستەپ كەلگەن. قازاق, ورىس جانە جاپون ءتىلىن مەڭگەرگەن. شون روبەرتس ەسىمدى شەتەلدىك ازاماتقا تۇرمىسقا شىققان.
شون روبەرتستىڭ دە قازاقستاستانمەن ورتاق بايلانىستارى بار. سوناۋ 90-شى جىلداردىڭ اياعىندا ول ورتالىق ازيا ايماعىندا USAID باعدارلاماسى بويىنشا جۇمىس ىستەگەن. 2006 جىلى دجوردجتاۋن ۋنيۆەرسيتەتىنە ءتۇسىپ, ورتالىق ازيا جايلى ەگجەي-تەگجەيلى وقىعان. ول ورىس ءتىلى مەن تاريحىن زەرتتەپ, وقىعان. قولدا بار اقپاراتقا سۇيەنسەك, ول بەرتىندەرى دجوردج ۆاشينگتون ۋنيۆەرسيتەتىنىڭ قاۋىمداستىرىلعان پروفەسسورى جانە حالىقارالىق دامۋدى زەرتتەۋ دەپارتامەنتىنىڭ ديرەكتورى بولىپ جۇمىس ىستەگەن.
ال اسەل حاتتامامەن ۇزاق ۋاقىت جۇمىس ىستەگەن كورىنەدى. FederalPay.org مەملەكەتتىك قىزمەتشىلەرىنە ارنالعان رەسۋرستا ونىڭ اقش مەملەكەتتىك قىزمەتىندە 2008 جىلدان بەرى جۇرگەنى كورسەتىلگەن.
مىسالى, ول باراك وبامامەن دە جۇمىس ىستەگەن. بۇعان گەرمانيا كانتسلەرىنىڭ Instagram-داعى 2016 جىلعى جازباسى دالەل بولا الادى.
پۋبليكاتسيا وت Angela Merkel (@bundeskanzlerin)اسەل روبەرتس ەندىگىدە اقش مەملەكەتتىك دەپارتامەنتىندە پروتوكول قىزمەتىن باسقاراتىن بولادى.