سادىر جاپاروۆ مەرزىمىنەن بۇرىن وتكەن پرەزيدەنت سايلاۋىندا جەڭىسكە جەتكەننەن كەيىن قىرعىزستان ۇكىمەتى وتستاۆكاعا كەتتى, دەپ حابارلايدى Egemen.kz
پرەزيدەنتتىڭ مىندەتىن اتقارۋشى – جوگوركۋ كەنەش (پارلامەنت) توراعاسى تالانت مامىتوۆ سادىر جاپاروۆتىڭ پرەمەر-مينيستر وكىلەتتىگىن توقتاتۋ تۋرالى جارلىققا قول قويدى. سونىمەن قاتار, مينيسترلەر كابينەتى دە وتستاۆكاعا كەتتى.
ۇكىمەت مۇشەلەرى جاڭا قۇرام قۇرىلعانعا دەيىن ءوز مىندەتتەرىن اتقاراتىن بولدى. قىرعىزستان پرەمەر-ءمينيسترىنىڭ مىندەتىن اتقارۋشى ارتەم نوۆيكوۆ بولادى.مينيسترلەر كابينەتىن وتستاۆكاعا جىبەرۋ تۋرالى شەشىمدى سادىر جاپاروۆ وسك داۋىس بەرۋ قورىتىندىلارىن رەسمي جاريالاعاننان كەيىن قابىلدادى.
ەلدىڭ التىنشى پرەزيدەنتىن ۇلىقتاۋ ءراسىمى 28 قاڭتاردا وتەدى.
ايتا كەتەيىك, قىرعىزستانداعى مەرزىمىنەن بۇرىن پرەزيدەنتتىك سايلاۋ قازاقستانداعى پارلامەنتتىك سايلاۋمەن ءبىر كۇنى – 10 قاڭتاردا ءوتتى.