ءوڭىر احۋالىمەن تانىستى

وسىدان كەيىن ا.مامين پەتروپاۆل اۋىر ماشينا جاساۋ زاۋىتىنا باردى. بۇل كسرو قورعانىس زاۋىتتارىنىڭ پەت­روپاۆلعا ورناتىلعان بەس زاۋىتىنىڭ ىشىن­دەگى ەڭ ال­دىڭعى قاتارلىسى بولعان ەدى. قازىر ونىڭ اۋما­عىندا تەز بۇزىلاتىن ازىق-ت ۇلىك ونىمدەرىن تاسىمالداۋعا ارنال­عان تەرموس-ۆاگوندار قۇ­راستىراتىن جاڭا ءوندىرىس ورنى اشىلعان. جوبالىق قۋات­تىلىعى جىلىنا 1200 ۆاگون وندىرۋگە قابىلەتتى جانە 200 ادامدى جۇمىسپەن قامتيدى.

پرەمەر-ءمينيستردىڭ ساپارى «سول­تۇس­تىك فانەر كومبيناتى» جشس-دە جالعاستى. مۇندا لاميناتتالعان فانەر وندىرىلەدى. كاسىپورىن قازىردىڭ وزىندە 150 ادامدى جۇ­مىسپەن قامتىپ وتىر. ال جوبالىق قۋاتى تولىق كۇشىنە ەنگەندە جىلىنا 27 مىڭ تەكشە مەتر ءونىم شىعارادى جانە قوسىمشا جۇمىس ورىندارى اشىلاتىن بولادى.

قىزىلجارداعى تاعى ءبىر ماڭىزدى نىسان – 510 ورىندىق كوپبەيىندى اۋرۋحا­نا. JCI حالىقارالىق ستاندارتتارىنا سايكەس سالىنىپ جاتقان اۋرۋحانا قۇرى­لىسى قالانىڭ «شىعىس» شاعىن اۋدانىن­دا جۇرگىزىلىپ جاتىر. ۇكىمەت باسشىسى جاڭا نىساننىڭ قۇرىلىسىنا قاناعات­تاناتىنىن ءبىلدىردى. بۇل جوبانى مەملەكەت-جەكەمەنشىك ارىپتەستىگى اياسىندا «YDA Holding» تۇرىك ينۆەستورى جۇزەگە اسىرۋدا. تولىعىمەن 2022 جىلدىڭ سوڭىنا قاراي اياقتالادى.

ا.مامين قىزىلجار اۋدانىنىڭ چا­پاەۆو اۋىلىنداعى «قىزىلجار ءسۇت» جشس-ءنىڭ جاڭا تسيفرلاندىرىلعان تاۋار­لى ءسۇت فەرماسىندا دا بولدى. فەرمانىڭ قۋات­تىلىعى – جىلىنا 3,6 مىڭ توننا ءسۇت.

جۇمىس ساپارىنىڭ قورىتىندىسى بويىنشا پرەمەر-مينيستر سولتۇستىك قازاقستان وبلىسىنىڭ الەۋمەتتىك-ەكونوميكالىق دامۋى جانە الداعى كەزەڭگە ارنالعان پەرسپەكتيۆالارى جونىندە كەڭەس وتكىزدى. ءوڭىر اكىمى قۇمار اقساقالوۆ, اۋىل شارۋاشىلىعى ءمينيسترى ساپارحان وماروۆ, يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ, دەنساۋلىق ساقتاۋ ءمينيسترى الەكسەي تسوي, ەڭبەك جانە حالىقتى الەۋمەتتىك قورعاۋ ءمينيسترى سەرىك شاپكەنوۆ, ءبىلىم جانە عىلىم ءمينيسترى اسحات ايماعامبەتوۆ, ۇلتتىق ەكونوميكا ۆيتسە-ءمينيسترى ەرمەك الپىسوۆ جانە قارجى ءبىرىنشى ۆيتسە-ءمينيسترى بەرىك شولپانقۇلوۆ بايانداما جاسادى.

«سولتۇستىك قازاقستان وبلىسى اگرو­ونەركاسىپتىك كەشەندە, وڭدەۋ ونەركاسىبىندە جانە باسقا دا سالالاردا ۇلكەن الەۋەتكە يە. ءوڭىردىڭ ودان ءارى الەۋمەتتىك-ەكونوميكالىق دامۋىنا, باسەكەگە قابىلەتتىلىگىن ارت­تى­رۋعا, حالىقتىڭ تۇرمىس ساپاسى مەن ءال-اۋقا­تىنىڭ جوعارى بولۋىن قامتاماسىز ەتۋگە ەلەۋلى سەرپىن بەرۋى قاجەت», دەدى ا.ما­مين.

2020 جىلدىڭ قورىتىندىسى بويىنشا سولتۇستىك قازاقستان وبلىسىنىڭ اۋىل شارۋاشىلىعىنداعى جالپى ءونىم كولەمى 779 ملرد تەڭگەنى قۇرادى, بۇل وتكەن جىلعىدان 27%-عا جوعارى, ونەركاسىپتىك ءونىم ءوندىرۋ كولەمى – 306 ملرد تەڭگە. نەگىزگى كاپيتالعا سالىنعان ينۆەستيتسيالار كولەمى 20,5%-عا, ياعني 281 ملرد تەڭگەگە دەيىن ۇلعايدى.

سولتۇستىك قازاقستان وبلىسى