14 قاڭتاردا ءۇرجار اۋداندىق پوليتسيا بولىمىنە تاسكەسكەن – باقتى رەسپۋبليكالىق تاسجولىندا كومىر اكەتىپ بارا جاتقان جۇك كولىكتەردىڭ تۇرىپ قالعانى تۋرالى قوڭىراۋ تۇسكەن.
تاسبۇلاق اۋىلىنا كومىر اپارا جاتىپ قالىڭ قار مەن بوراننىڭ سالدارىنان كولىكتەرى قارعا باتقانىن جۇرگىزۋشىلەردىڭ ءبىرى حابارلاپ ايتقان. قاردى وزدەرى تازالاماق بولعانىمەن, ناتيجە شىقپاعان.
جولدا قالعان ازاماتتارعا كومەك كورسەتۋ ءۇشىن اۋداندىق پب قىزمەتكەرلەرى نۇربول باجەنوۆ, تالانت نۇرعوجانوۆ جانە ايدار ساماتەەۆ تۇرعىندارمەن بىرلەسىپ, كولىكتەردى جانە جولدى قاردان تازارتۋعا ات سالىسقان. ءۇش كۇن ءجۇرىپ, قار قۇرساۋىنداعى كولىكتەردى شىعارىسقان. قيىن جاعدايدا كومەكتەسكەن پوليتسيا قىزمەتكەرلەرىنە جۇرگىزۋشىلەر العىس ءبىلدىردى.
شىعىس قازاقستان وبلىسى
ءۇرجار اۋدانى