قازاقستاننىڭ ەڭبەك سىڭىرگەن قايراتكەرى, «مۋزارت» توبىنىڭ ءانشىسى مەيرامبەك بەسباەۆ كوروناۆيرۋسپەن اۋرۋحاناعا ءتۇستى, دەپ حابارلايدى Egemen.kz
«مەيرامبەكتى كەشە تۇستە جەدەل جاردەم الىپ كەتتى. بىردەن جانساقتاۋ بولىمىنە ءتۇستى. الدىمەن پنەۆمونيا دەگەن, كەيىن كوروناۆيرۋس انىقتالدى», - دەدى «مۋزارت» توبىنىڭ ديرەكتورى ەرلان ءجۇنىسباي.
ونىڭ ايتۋىنشا, قازىر ءانشىنىڭ دەنساۋلىعى جاقسى.
«قازىر جاعدايى جاقسى. جانساقتاۋ بولىمىنەن پالاتاعا اۋىستىردى. تەلەفونمەن سويلەسىپ وتىرامىز. ۋايىمداماڭىزدار, جاعدايى جاقساردى. ونىمەن كەشە كەشكە سويلەستىم. ول قالقامانداعى №7 اۋرۋحانانىڭ دارىگەرلەرىنە العىس ايتقىسى كەلەدى. قازاقستاندىقتار مۇنىڭ قانشالىقتى قاۋىپتى ەكەنىن ءتۇسىنىپ, ولاردان ۇيدە وتىرۋىن جانە قوناققا بارماۋىن سۇرادى», - دەدى «مۋزارت» توبىنىڭ ديرەكتورى.