13 قاڭتاردا كاتونقاراعاي اۋدانى, جاڭا-حايرۋزوۆكا اۋىلىنان الىباي اۋىلىنا «ۆاز 2114» كولىگىمەن جولعا شىققان ەكى جولاۋشى حابارسىز كەتكەن.
حابارسىز كەتكەنى, ولار مىنگەن اۆتوكولىك قارعا باتىپ, الىبايعا جەتە الماعان.
جوعالعانداردى ىزدەستىرۋ ءۇشىن ءوب-27 كۇشتەرى مەن پوليتسيا جۇمىلدىرىلدى. ساعات 21:30-دا ىزدەستىرۋ توبى ولاردى دالادان, جاڭا-حايرۋزوۆكا مەن الىباي اۋىلدارى اراسىنداعى تاس جولدان تاپقان.
العاشقى مەديتسينالىق كومەك كورسەتۋ ءۇشىن كولىك ىشىندەگى ادامدار ورتالىق اۋداندىق اۋرۋحاناعا جەتكىزىلىپ, دارىگەرلەر قاراعاننان كەيىن ۇيلەرىنە جىبەرىلدى.
جولاۋشىلاردىڭ ايتۋىنشا, توڭىپ قالماۋ ءۇشىن كولىك سالونىندا قاعاز جاعىپ جىلىنعان.
وسى ورايدا توتەنشە جاعدايلار دەپارتامەنتىنىڭ ماماندارى تۇرعىندارعا بوران-شاشىندى, ايازدى كۇندەرى اسا قاجەت بولماسا, جولعا شىقپاۋلارىن ەسكەرتەدى.