اقتوبە وبلىسىندا 9 جاسار بالا مەن اكەسىن كولىكپەن قاعىپ, قاشىپ كەتكەن جۇرگىزۋشى ۇستالدى. بۇل تۋرالى «حابار» تەلەارناسى حابارلادى.
باس-مي جاراقاتىمەن جانساقتاۋ بولىمىنە تۇسكەن ەربولات جۇماعاليەۆتى امان الىپ قالۋ مۇمكىن بولمادى. بالاسىنىڭ جاعدايى ازىرگە ءماز ەمەس كورىنەدى. وسى قىلمىسقا قاتىسى بار دەگەن كۇدىكپەن قالا تۇرعىنى قاماۋعا الىنعان. ول ءوز كىناسىن مويىندادى. جالپى, وبلىستا ادام ولىمىنە سەبەپشى بولعان 9 جۇرگىزۋشى ىزدەستىرىلۋ ۇستىندە. «ەكى ادامدى كولىگىمەن قاققان جۇرگىزۋشى ولارعا العاشقى مەديتسينالىق كومەك كورسەتپەي, وقيعا ورنىنان بوي تاسالاعان. ايىپكەردىڭ قاشىپ كەتكەنى ءۇشىن قىلمىستىق كودەكستىڭ 296-بابىنا سايكەس, قىلمىستىق ءىس قوزعالدى. قازىرگى ۋاقىتتا ول ۋاقىتشا ۇستاۋ يزولياتورىنا قامالدى»,-دەيدى وبلىستىق ىشكى ىستەر دەپارتامەنتى ءباسپاسوز قىزمەتىنىڭ جەتەكشىسى ارداگەر ۋايدين.
باقىتبەك كەنەش ۇلى.
دەرەككوز: «حابار» تەلەارناسى.