ءبىر كۇن بۇرىن رەسەيلىك ايەلدەن كوروناۆيرۋستىڭ ەرەكشە 18 مۋتاتسياسى انىقتالعانىن جازعانبىز. رەسەيلىك ۆيرۋسولوگتىڭ ايتۋىنشا, ونىڭ انتيگەنىندە پرينتسيپيالدى ماڭىزدى وزگەرىستەر بولمايدى, دەپ حابارلايدى Egemen.kz.بۇل تۋرالى ريا باسىلىمى اقپارات تاراتتى.
رەسەيلىك ۆيرۋسولوگتار مۇنداي جاعداي ەلدە العاش رەت كەزدەسكەنىمەن, الداعى ۋاقىتتا قاۋىپتەنۋدىڭ قاجەتى جوق ەكەنىن ەسكەرتتى. دەگەنمەن عالىم كوروناۆيرۋستىڭ جاڭا نۇسقالارى بۇكىل الەمگە تارالسا, بەلگىلى ءبىر ەرەكشەلىكتەرگە يە بولۋى مۇمكىن ەكەنىن, ال ول كەزدە قاۋىپتىڭ كۇشەيەتىنىن دە اتاپ ءوتتى.
ايتا كەتەيىك, بۇعان دەيىن ۇلىبريتانيادا SARS-CoV-2 مۋتاتسياسى تابىلعانى بەلگىلى بولدى. الدىن الا مالىمەتتەر بويىنشا, جاڭا ءتۇردىڭ ينفەكتسيالىق بەلگىلەرى بار, بىراق ءولىمنىڭ ءوسۋى تۋرالى ءالى اقپارات تىركەلمەگەن.
وڭتۇستىك افريكادا دا ۆيرۋستىڭ مۋتاتسيالانۋىنا قاتىستى دەرەكتەر پايدا بولىپ جاتىر. ەلدىڭ دەنساۋلىق ساقتاۋ مينيسترلىگى دە بۇعان دەيىن گەنەتيكتەردىڭ «501.V2» دەپ اتالاتىن جاڭا كوروناۆيرۋستىق مۋتاتسيانى انىقتاعانىن حابارلادى.
ۆيرۋستىڭ جاڭا مۋتاتسياسى پايدا بولعانى تۋرالى اقپارات تەك ۇلىبريتانيامەن شەكتەلگەن جوق. وسىنداي مالىمەتتەرمەن برازيليالىق دارىگەرلەر دە دابىل قاعۋدا.
رابيعا نۇرعالي