تۇركىستان وبلىسىندا ءبىر تاۋلىكتە 135 ءسابي, ياعني 63 ۇل, 72 قىز بالادۇنيەگە كەلدى. وبلىستىق قوعامدىق دەنساۋلىق باسقارماسىنىڭ حابارلاۋىنشا, وسىلايشا رەكورد ورناتىلعان, ال جاڭا بوسانعان انالار مەن نارەستەلەردىڭ جاعدايى جاقسى.
سايلاۋ وتكەن كۇنى وڭىردە دۇنيەگە كەلگەن سابيلەرگە ەڭ كوپ قويىلعان ەسىمدەر – سايلاۋ, سايلاۋگۇل, نۇرسۇلتان, قاسىم-جومارت ەكەن. وسىلايشا تۇركىستاندىقتار سابيلەرىنىڭ دۇنيەگە كەلگەن قۋانىشىن ءماجىلىس پەن ءماسليحاتتار دەپۋتاتتارىن سايلاۋمەن بايلانىستىرۋدى ۇيعارعان.
ايتا كەتەلىك, وبلىستىڭ بارلىق پەرزەنتحانالارىندا ءۇش جۇزدەن استام جۇكتى جانە بوسانعان ايەلدەر سايلاۋعا قاتىسىپ, ءوز تاڭداۋىن جاسادى. جالپى تۇركىستان وبلىسى بويىنشا جىلىنا 100 مىڭعا جۋىق ءسابي, ال ء بىر تاۋلىك ىشىندە شامامەن 50-60 نارەستە دۇنيەگە كەلەدى.
تۇركىستان وبلىسى