حالىقارالىق اۋىر اتلەتيكا فەدەراتسياسى بيىلعى ازيا چەمپيوناتىنىڭ وتەتىن جەرى مەن مەرزىمىن جاريالادى.
ۇلتتىق وليمپيادا كوميتەتىنىڭ حابارلاۋىنشا, الەمدى شارپىعان ىندەتكە بايلانىستى كەيىنگە قالدىرىلعان سارىقۇرلىقتىڭ باستى ءتۋرنيرى بيىلعى اقپاندا ءوتۋى ءتيىس بولاتىن. الايدا بىرقاتار تالقىلاۋدان كەيىن تۋرنير 15-24 ءساۋىر ارالىعىنا وزبەكستان استاناسى – تاشكەنتتە وتەتىن بولىپ بەلگىلەندى.
قازىرگى تاڭدا قازاقستان ۇلتتىق قۇراماسىنىڭ سپورتشىلارى الداعى باسەكەگە الماتى وبلىسىنداعى «اق بۇلاق» بازاسىندا دايىندالىپ جاتىر. وقۋ-جاتتىعۋ جيىنى 24 قاڭتاردا اياقتالادى. ازيا چەمپيوناتى توكيوداعى وليمپيا ويىندارىنا ىرىكتەۋ كەزەڭى سانالادى. ازىرگە زىلتەمىرشىلەردىڭ قورجىنىندا بىردە-ءبىر ليتسەنزيا جوق.