سولتۇستىك قازاقستان وبلىسى بيىل قوعامدىق تاسىمالداۋ ىستەرىنە 100 جاڭا اۆتوبۋس ساتىپ الماقشى. قازىر سونىڭ ءبىرازى كەلىپ ۇلگەردى, دەپ حابارلايدى Egemen.kz.
وبلىس اكىمى قۇمار اقساقالوۆ ءوزىنىڭ تۆيتتەردەگى پاراقشاسىندا بىلاي دەپ جازدى: ء«بىز پەتروپاۆل قالاسىنىڭ اۆتوبۋس پاركىن جاڭالاۋ جوباسىن ىسكە اسىرۋعا كىرىستىك. قالا كوشەلەرىندە بارلىعى 200-دەي اۆتوبۋستار جۇرەدى, ءبىز سونىڭ جارتىسىن جاڭالاۋدى قولعا الدىق. اۆتوبۋستاردىڭ ءبارى قازاقستاندا جينالعان رەسەيلىك كولىكتەر. الايدا ولار بۇرىنعىلارعا قاراعاندا الدەقايدا ىڭعايلى. وسىنداي 100 اۆتوبۋس ساتىپ الۋعا كەلىسكەنبىز, قازىر سونىڭ جەتەۋى قالاعا جەتكىزىلدى», دەگەن ول.
ارينە, ولاردىڭ ساپاسى اسا جوعارى ەمەس. بىراق بۇرىنعىلارعا قاراعاندا ىڭعايلى ءارى جىلى. سالوندارى دا كەڭ. سولتۇستىكتىڭ سۋىق كليماتىن ەسەپكە الىپ, قاتپايتىن التى رادياتور ورنىقتىرىلعان. كونديتسيونەرلەرى مەن پاندۋستارى دا بار. اۋانى تازالاپ تۇراتىن جۇيە مەن ۋلترا كوگىلدىر لامپالارى دا ورنىقتىرىلعان. اكىم ءوزىنىڭ جازباسىندا اۆتوبۋستاردىڭ جاڭالانعانىنا قاراماي جولاقىسى كوتەرىلمەيتىنىن دە اتاپ ءوتتى. ەندى ولارعا ەلەكتروندى بيلەت بەرۋ جۇيەسى دە ورناتىلماق.