قوستاناي وبلىستىق كاسىپكەرلەر پالاتاسىنىڭ مالىمەتىنشە, بىلتىر «قاراپايىم زاتتار ەكونوميكاسى» باعدارلاماسى بويىنشا وڭىرلىك جوبالىق كەڭسە جالپى قۇنى 54,9 ملرد تەڭگە بولاتىن 267 جوبانى قابىلداعان. ونىڭ 215-ءى ماقۇلدانىپ, بۇگىنگە دەيىن 203 جوبا قارجىلاندىرىلىپ وتىر, دەپ حابارلايدى Egemen.kz.
«بىلتىر اگروونەركاسىپ سالاسىنا قاتىستى جوبالار كوبىرەك قولداۋ تاپتى. ماقۇلدانعان جوبالاردىڭ 78,1%-ى وسى سالاعا تيەسىلى. تاماق ءوندىرىسى نەمەسە اوك ونىمدەرىن قايتا وڭدەۋگە ارنالعان جوبالار ەكىنشى ورىندا تۇر, ولاردىڭ ۇلەسى – 13,5%. قارجىلاي قولداۋ كورسەتىلگەندەردىڭ ىشىندە وڭدەۋ ونەركاسىبى (7%) مەن تۇرمىستىق قىزمەت كورسەتۋ سالاسىنا (1,4%) قاتىستى جوبالار دا بار. بىلتىر ەكىنشى دەڭگەيلى بانكتەر جالپى قۇنى 30,8 ملرد تەڭگە تۇراتىن 66 جوبانى ماقۇلدادى. سونداي-اق, «اگرارلىق نەسيە كورپوراتسياسى» ارقىلى 149 جوباعا 6,1 ملرد تەڭگە قارجى ءبولىندى», - دەدى وبلىستىق كاسىپكەرلەر پالاتاسىنىڭ ديرەكتورى مۇرات ابەنوۆ.
قوستاناي وبلىسى