«ەلوردالىقتار 2020 جىلى قاڭتار-جەلتوقسان ارالىعىندا مەديتسينالىق ساقتاندىرۋ ءۇشىن 27,7 ملرد تەڭگەدەن اسا جارنا اۋداردى» – دەپ حابارلايدى Egemen.ءkz تىلشىسى «الەۋمەتتىك مەديتسينالىق ساقتاندىرۋ قورى» كەاق نۇر-سۇلتان قالاسى بويىنشا فيليالىنىڭ ءباسپاسوز قىزمەتىنە سىلتەمە جاساپ.
نۇر-سۇلتان قالاسى بويىنشا 2017 جىلدىڭ 1 شىلدەسى مەن 2020 جىلدىڭ 31 جەلتوقسانى ارالىعىندا مەديتسينالىق ساقتاندىرۋ ءۇشىن جيناقتالعان جارنانىڭ جالپى سوماسى 58 ملرد تەڭگەدەن اسادى.
«2020 جىلى قاڭتار-جەلتوقسان ارالىعىندا مەديتسينالىق ساقتاندىرۋ ءۇشىن ەلوردالىقتار 27,7 ملرد تەڭگەدەن اسا جارنا اۋدارعان (ونىڭ ىشىندە جەلتوقسان ايىندا – 3,3 ملرد تەڭگە). مەديتسينالىق ساقتاندىرۋ قورىنا جارنا اۋدارۋدا نۇر-سۇلتان قالاسى كوشباسىندا دەۋگە بولادى.
الەۋمەتتىك مەديتسينالىق ساقتاندىرۋ قورىنا تۇكەن بارلىق مىندەتتى الەۋمەتتىك مەديتسينالىق ساقتاندىرۋ جارنالارى, ياعني جيناقتالعان قارجى, ۇلتتىق بانكپەن ارادا جاسالعان سەنىمگەرلىك باسقارۋ تۋرالى كەلىسىمشارتقا سايكەس, ۇلتتىق بانكتە ساقتالادى دا, مىندەتتى الەۋمەتتىك مەديتسينالىق ساقتاندىرۋ پاكەتى شەڭبەرىندەگى قىزمەتتەر اقىسىن تولەۋگە جۇمسالادى.», - دەيدى «الەۋمەتتىك مەديتسينالىق ساقتاندىرۋ قورى» كەاق نۇر-سۇلتان قالاسى بويىنشا فيليالىنىڭ ديرەكتورى نۇرلىبەك قابدىقاپاروۆ.
مەديتسينالىق ساقتاندىرۋ قورى پاتسيەنتتەر قۇقىعىن قورعايدى. سوندىقتان ازاماتتاردى ءموبيلدى قوسىمشالاردا ءوز دەرەكتەرىن تەكسەرۋگە جانە سايكەسسىزدىكتەر انىقتالعان جاعدايدا قوردىڭ ەلوردالىق فيليالىنا حابارلاۋعا شاقىرامىز. سونداي-اق, 1406 تەلەفونىنا نەمەسە Qoldau 24/7 ءموبيلدى قوسىمشاسى ارقىلى بايلانىسۋعا بولادى.
الەۋمەتتىك مەديتسينالىق ساقتاندىرۋ قورىنىڭ Qoldau-24/7 ءموبيلدى قوسىمشاسى Android سمارتفوندارى ءۇشىن Play Market ارقىلى, Apple سمارتفوندارى ءۇشىن App Store ارقىلى جۇكتەلەدى.
ازاماتتاردان كەلىپ تۇسكەن بارلىق وتىنىشتەر وڭدەلىپ, تىركەۋ نومىرىمەن وتىنىشتەر تىزىلىمىنە تۇسەدى. تۇرعىندار تاراپىنان تۇسكەن وتىنىشتەرگە مونيتورينگ جۇرگىزىلەدى, قاجەت بولعان جاعدايدا بەلگىلەنگەن مەرزىمدە شەشىم قابىلداۋ ءۇشىن ساراپتامالىق باعالاۋعا جىبەرىلەدى.