كەلەس اۋدانىندا اۋىل تۇرعىنى قوراسىنىڭ ماڭىندا جايىلىپ جۇرگەن جەتى جىلقىنى كورىپ, ويى بۇزىلادى. جىمقىرۋ ماقساتىنداعى ارام ويمەن ەشكىمگە بايقاتپاستان قوراسىنا كىرگىزىپ العان ول تانىسىنا حابارلاسىپ, جەتەۋىن ءۇش اسىل تۇقىمدى جىلقىعا ايىرباستاپ جىبەرگەن, دەپ حابارلايدى Egemen.kz
ارينە مالىن جوعالتقان اۋىل تۇرعىنى جەتى باس جىلقىسىنىڭ ۇرلانعانىن ايتىپ, كەلەس اۋدانىنىڭ پوليتسيا بولىمىنە ارىزدانادى. ارىزدى بىردەن تىركەۋگە العان پوليتسيا قىزمەتكەرلەرى وقيعا ورىن العان جەردى مۇقيات تەكسەرەدى. ياعني كۇدىكتىنى انىقتاۋعا قاتىستى شارالاردىڭ بارلىعىن اتقارادى. ناتيجەسىندە پوليتسەيلەر كورشىلەس اۋىلدان كۇدىكتى ەر ازاماتتى ۇستادى. جەدەل ارەكەت ەتكەن پوليتسەيلەر ايىرباستالعان جىلقىلاردى تاركىلەپ الىپ, يەسىنە قايتاردى. پوليتسيا ءبولىمى قىزمەتكەرلەرىنىڭ حابارلاۋىنشا, كۇدىكتى قاماۋعا الىنىپ, وعان قاتىستى سوتقا دەيىنگى تەرگەۋ امالدارى جۇرگىزىلۋدە.
ال ۇرلانعان جىلقىلاردىڭ يەسى, ياعني ارىزدانۋشى ازامات پوليتسيا قىزمەتكەرلەرىنە تىندىرىمدى تىرلىكتەرى ءۇشىن العىسىن ءبىلدىردى.