سەنات دەپۋتاتى اقىلبەك كۇرىشباەۆ نۇر-سۇلتان قالاسىنداعى اقان قۇرمانوۆ اتىنداعى №17 مەكتەپ-گيمنازياسىندا ۇستازدارىمەن كەزدەستى, دەپ حابارلايدى Egemen.kz.
سەناتور ءبىلىم وشاعىندا بولعان كەزدەسۋ بارىسىندا ءبىلىم بەرۋ بارىسىنداعى اۋقىمدى ماسەلەلەر مەن جاستار ساياساتىنا قاتىستى باعدارلامالاردى جان-جاقتى تالقىعا سالدى.
دەپۋتات ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى قىزمەتكەرلەرىمەن دە جۇزدەستى. كەزدەسۋگە پروفەسسورلار جانداربەك مالىبەك ۇلى, سەرىك نەگيموۆ, ديحان قامزابەك ۇلى, اكادەميك ساتاي سىزدىقوۆتار قاتىستى.
اقىلبەك كۇرىشباەۆ مەملەكەت باسشىسى ءوز ماقالاسىندا ءسوز ەتكەن ءبىلىم بەرۋ مەن جاستار تاربيەسى ماسەلەلەرىنە قاتىستى ويلارىمەن دە ءبولىستى. سەناتور ماقالادا ءاربىر قازاقستاندىقتىڭ كوكەيىندەگى ىشكى جانە سىرتقى ساياسات تۋرالى ماڭىزدى سۇراقتاردىڭ نەگىزگى جاۋاپتارى جيناقتالعانىن اتاپ ءوتتى.
سەنات دەپۋتاتى كەزدەسۋ بارىسىندا پروفەسسور-وقىتۋشىلاردىڭ سۇراقتارىنا جاۋاپ بەردى.