پەتروپاۆلدىڭ ايىرتاۋ كوشەسىندەگى ءبىر ءۇيدىڭ كىرەبەرىسىنە جىلىنىپ الماق بولىپ كىرگەن 37 جاستاعى ارامزا ء تورتىنشى قاباتتاعى بالالاردىڭ شاناسىن ۇرلاپ كەتكەن. ۇرلىقتى جىلدام اشۋعا كريميناليستەردىڭ جۇمىسى مەن كىرەبەرىستەگى كامەرالار سەپتىگىن تيگىزدى, دەپ حابارلايدى Egemen.kz.
كەلەسى كۇنى كۇدىكتى انىقتالىپ, ۇستالدى. ولجالاعان زاتتى ول ءوتىپ بارا جاتقان بوگدە ادامعا ەكى مىڭ تەڭگەگە ساتىپ جىبەرگەنىن ايتقان. «ۇرلىق فاكتىسى بويىنشا سوتقا دەيىنگى تەرگەۋ جۇرگىزىلۋدە. ۇستالعان 15 مىڭ تەڭگە كولەمىندەگى شىعىندى وتەيتىن بولدى», - دەدى ءبىرىنشى پوليتسيا ءبولىمى باستىعىنىڭ ورىنباسارى تالعات سماعۇلوۆ.
وتكەن جىلى جەدەل باسقارۋ ورتالىعىنىڭ بەينە باقىلاۋ كامەرالارىنىڭ كومەگىمەن 157 قىلمىس اشىلدى. بۇگىنگى تاڭدا پەتروپاۆلدا 700-دەن استام ءۇيدىڭ كىرەبەرىسى جابدىقتالعان.