سانيتاريالىق - ەپيدەميولوگيالىق باقىلاۋ كوميتەتى 5 قاڭتاردا حالىقارالىق اۆيارەيستەرمەن ۇشىپ كەلگەن جولاۋشىلار بويىنشا اقپاراتتى تاراتتى, دەپ حابارلايدى Egemen.kz.
5 قاڭتاردا گەرمانيا, كورەيا, ءۇندىستان, مالديۆ رەسپۋبليكاسى, مىسىر, تۇركيا, وزبەكستان جانە قىرعىزستاننان 14 حالىقارالىق اۋە رەيسى كەلدى.
1 940 اۋە جولاۋشىلارىنىڭ ىشىندە پتر-تەستىلەۋدىڭ تەرىس ناتيجەسى بار انىقتامامەن 1 725 ادام, انىقتاماسىز 215 قازاقستان ازاماتتارى كەلدى. ونىڭ ىشىندە: الماتى قالاسىنىڭ اۋەجايىنا – 8 رەيس, 1 252 جولاۋشى, انىقتامامەن - 1 112, انىقتاماسىز - 140;
نۇر-سۇلتان قالاسىنىڭ اۋەجايىنا – 2 رەيس, 186 جولاۋشى, انىقتامامەن - 182; انىقتاماسىز - 4;
اقتاۋ قالاسىنىڭ اۋەجايىنا – 1 رەيس, 3 جولاۋشى انىقتامامەن كەلدى;
شىمكەنت قالاسىنىڭ اۋەجايىنا – 1 رەيس, 206 جولاۋشى, انىقتامامەن - 150; انىقتاماسىز - 56;
قاراعاندى قالاسىنىڭ اۋەجايىنا – 1 رەيس, 143 جولاۋشى انىقتامامەن كەلدى;
اتىراۋ قالاسىنىڭ اۋەجايىنا – 1 رەيس, 150 جولاۋشى, انىقتامامەن - 135; انىقتاماسىز – 15.
انىقتاماسىز كەلگەن قازاقستان ازاماتتارى كەلگەن جەرلەرى بويىنشا COVID-19-عا پتر-تالداۋ ادىسىمەن تەستىلەندى جانە كارانتيندىك ستاتسيونارلاردا ءوز ناتيجەلەرىن كۇتۋدە.
2021 جىلدىڭ 4 قاڭتارىندا انىقتاماسىز كەلگەن بارلىق 162 قر ازاماتىنىڭ پتر-تالداۋلارى تەرىس ناتيجە كورسەتتى.