قورعانىس مينيسترىلىگىندە وتكەن اپپارات كەڭەسىندە الداعى كەزەڭگە تاپسىرمالار بەلگىلەندى, دەپ حابارلايدى Egemen.kz.
قورعانىس ۆەدومستۆوسىنىڭ باسشىسى مەرەكە كۇندەرىنىڭ قورىتىندىلارى تۋرالى لاۋازىمدى ادامداردىڭ باياندامالارىن تىڭدادى. قورىتىندى بارىسىندا جاۋىنگەرلىك دايارلىق, اسكەري وبەكتىلەردىڭ ديۆەرسياعا قارسى قاۋىپسىزدىگى, سونداي-اق اسكەري ءتارتىبتىڭ قاجەتتى دەڭگەيى قامتاماسىز ەتىلدى.
باس قولباسشىلار 2020 جىلدىڭ جەلتوقسان ايىنىڭ سوڭىندا بىتكەن ماماندىق جونىندەگى دايارلىق ناتيجەلەرى جانە بولىمدەردىڭ ۇيلەسىمدىلىگى باستالعانى جونىندە ايتتى. باس شتابقا ساباقتاردى وتكىزۋ ساپاسىن, جەكە قۇرامنىڭ ءبىلىمدى تولىق مەڭگەرۋىن جانە قاجەتتى داعدىلاردى قالىپتاستىرۋدى باقىلاۋىن ۇيىمداستىرۋ تاپسىرىلدى. اسكەرلەردى دايارلاۋ كەزىندە فورماليزم مەن نەمقۇرايلىلىققا جول بەرمەۋگە نازار اۋدارىلدى.
پارلامەنت ءماجىلىسى دەپۋتاتتارىنىڭ سايلاۋىنا اسكەري قىزمەتشىلەردىڭ قاتىسۋى تۋرالى ماسەلە جەكە قارالدى. قورعانىس ءمينيسترى گەنەرال-لەيتەنانت نۇرلان ەرمەكباەۆ بۇل ەل تاعدىرى ءۇشىن جاۋاپتى جانە ماڭىزدى ءىس-شارا ەكەنىن اتاپ ءوتتى. سوندىقتان اركىمگە ءوزىنىڭ ازاماتتىق ۇستانىمىن تانىتۋعا, داۋىس بەرۋگە قاتىسۋعا مۇمكىندىك بەرۋ كەرەكتىگىن ايتتى.
قارۋلى كۇشتەردىڭ وفيتسەرلەرى, كەلىسىم شارت بويىنشا اسكەري قىزمەتشىلەر مەن ازاماتتىق پەرسونالدارى سايلاۋعا تۇرعىلىقتى مەكەنجايى بويىنشا قاتىسا الادى. مەرزىمدى قىزمەتتەگى اسكەري قىزمەتشىلەر مەن اسكەري وقۋ ورىندارىنىڭ كۋرسانتتارى ءۇشىن قورعانىس مينيسترلىگىنىڭ اسكەري بولىمدەرى مەن مەكەمەلەرىندە 19 سايلاۋ ۋچاسكەسى قۇرىلعان.
قورعانىس ۆەدومستۆوسىنىڭ باسشىسى قولدانىستاعى زاڭناماعا سايكەس, سونداي-اق سانيتارلىق-ەپيدەميولوگيالىق شارالاردى ەسكەرە وتىرىپ, بۇل ۋچاسكەلەرگە سەنىم بىلدىرگەن تۇلعالار مەن بايقاۋشىلار جىبەرىلۋى مۇمكىن. قورعانىس ۆەدومستۆوسىنىڭ باسشىسى داۋىس بەرۋ بارىسىندا «سايلاۋ تۋرالى» زاڭدى قاتاڭ قاداعالاۋ, سونىمەن قاتار جەكە قۇرام اراسىندا قۇقىقتىق ءتارتىپ پەن اسكەري ءتارتىپتى ساقتاۋ قاجەتتىگىن اتاپ ءوتتى.