ەگىستىكتەردە سۋ تاپشىلىعىن بولدىرماس ءۇشىن تسيفرلاندىرۋ جۇمىسى كۇشەيتىلەدى

«مەملەكەت باسشىسى جولداۋىندا ايتقانداي, بۇگىندە سۋارۋ كەزىندە سۋدى جوعالتۋدىڭ ۇلەسى 40%-دى قۇرايدى. سۋدى ەسەپتەۋ مەن تسيفرلاندىرۋدان بولەك, مۇندا فەرمەرلەردىڭ تۇسىنىستىكپەن قاراۋى دا ماڭىزدى, ولار سۋدى ۇنەمدەپ پايدالانۋى قاجەت», دەدى مينيستر.

سۋ جوعالتۋدى بولدىرماس ءۇشىن مينيسترلىك اكىمدىكتەرمەن بىرگە ۆەگەتاتسيالىق كەزەڭگە ساراپتاما جۇرگىزگەن. ساراپتاما ناتيجەسى 2030 جىلعا قاراي ەگىستىك القابى 3 ملن گەكتارعا ۇلعاياتىنىن ەسكەرە وتىرىپ, سۋ تاپشىلىعىن بولدىرماۋ شارالارىن قابىلداۋ قاجەتتىگىن كورسەتكەن.

«سۋ تاپشىلىعىن جويۋ ءۇشىن وڭتۇستىك ايماقتاردا سۋدى كوپ قاجەت ەتەتىن داقىلدار القابىن بىرتىندەپ ازايتۋ قاجەت. سونىمەن بىرگە جاڭا سۋ قويمالارى سالىنادى. قولدانىستاعى كانالدار جوندەلىپ, سۋ ەسەپتەۋ جۇيەسى تسيفرلاندىرىلادى. سۋارۋدىڭ ۇنەمدەۋ تەحنولوگياسىن قولدانباساق ەگىستىك القاپتارى كولەمىن ۇلعايتۋ مۇمكىن ەمەس. سۋدى ۇنەمدەپ پايدالانۋ ماقساتىندا 2,8 شاقىرىم 119 نەگىزگى كانالدا 2025 جىلعا دەيىن سۋ ەسەپتەۋدىڭ تسيفرلاندىرىلعان ءادىسىن ەنگىزۋ جۇمىسى جالعاسادى», دەدى ەكولوگيا ءمينيسترى.

اتالعان شارالار قوسىمشا 8,3 كۋب كم سۋ جيناۋعا جانە 1 گەكتار جەرگە كەتەتىن سۋ كولەمىن 8,8-دەن 6,6 مىڭ كۋب مەترگە ازايتۋعا مۇمكىندىك بەرمەك.