سقو – نىڭ ءتارتىپ ساقشىلارى بيىلعى جىلى جامان ىندەتتىڭ كەسىرىنەن تۇرمىستىق جاعدايلارى تومەندەپ كەتكەن اتا-انالاردىڭ بالالارىنا سىيلىقتار جاساۋمەن قۋانتۋ تۋرالى شەشىم قابىلدادى. ءسويتىپ, جىلدى قايىرىمدىلىقپەن اياقتاماق بولىپ وتىر.
ءتۇرلى تاتتىلەرگە, ويىنشىقتار مەن كىتاپتارعا, سۋرەتتەرگە, ادەمى كيىمدەرگە تولتىرىلعان قورجىندار كوپ بالالالى, تۇرمىستىق جاعدايى تومەن ءۇيدىڭ جاس بوبەكتەرىن قۋانتۋعا اتتاندى. تاڭسارىدەن سىيلىقتار ارتقان پوليتسيا ماشينالارىنىڭ كەرۋەنى قالانىڭ تۇكپىر-تۇكپىرىن ارالاپ, وسىنداي ۇيلەرگە توقتاپ جاتتى. بيىل ۇيلەرى كۇيىپ, بەس بالاسىمەن شاعىن مەكەنگە جايعاسقان وتباسىنىڭ بالالارىنا ارناپ پوليتسەيلەر ءتىپتى شىرشا ورناتىپ, وعان ويىنشىقتار دا ءىلىپ بەردى.
وبلىستىق پد باستىعى, پولكوۆنيك مارات تولەباەۆتىڭ ايتۋىنا قاراعاندا بۇل باستاما حالىقپەن ەتەنە جۇمىس ىستەيتىن تومەنگى قۇرامداعى قىزمەتكەرلەردەن شىققان. ال جاعدايى كەلىسپەگەن وتباسىلاردىڭ ءتىزىمىن يۋۆەنالدىق پوليتسيا جاساعان. «ارينە, ءبىز بالالاردىڭ بارىنە جاقسىلىق قىلا المايمىز. بىراق جاعدايلارى تومەن وتباسىنىڭ بالالارىن وسىلايشا ءبىر قۋانتقىمىز كەلدى», دەيدى پولكوۆنيك م.تولەباەۆ.
«جاقسىلىق جاساساڭ – بالاعا جاسا» دەگەن وسى شىعار.
پەتروپاۆل