لوندون يمپەراتورلىق كوللەدجىنىڭ پروفەسسورى ۆەندي باركلاي ۇلىبريتانيادا انىقتالعان كوروناۆيرۋستىڭ جاڭا شتاممى جاسۋشالارعا ەنۋ قابىلەتىنىڭ جوعارى بولۋىنا بايلانىستى بالالار ءۇشىن اسا جۇقپالى بولىپ كەلەتىندىگىن مالىمدەدى.
بۇعان دەيىن ۇلىبريتانيا بيلىگى كوروناۆيرۋستىڭ جاڭا مۋتاتسياسى COVID-19 باسقا تۇرلەرىنە قاراعاندا 70 پايىزعا جۇقپالى ەكەنىن اتاپ وتكەن بولاتىن.⠀وكسفورد ۋنيۆەرسيتەتىنىڭ عالىمدارى, AZD1222 اتىمەن بەلگىلى كوروناۆيرۋستىق ينفەكتسياعا قارسى ۆاكتسينانى جاساپ جاتقان AstraZeneca فارماتسەۆتيكالىق كومپانياسىمەن بىرگە اتالعان ۆاكتسينانىڭ تيىمدىلىگىن ارتتىرۋعا قابىلەتتى جاڭا فورمۋلانى انىقتادى. بۇل تۋرالى كومپانيانىڭ اتقارۋشى ديرەكتورى پاسكال سوريو مالىمدەدى. قاراشا ايىندا پرەپاراتتىڭ كوروناۆيرۋستان قورعاۋ دەڭگەيىنىڭ تيىمدىلىگى ورتا ەسەپپپەن 70% كورسەتكەن بولاتىن, بۇل نەگىزگى باسەكەلەستەردىڭ كورسەتكىشتەرىنەن ەداۋىر تومەن بولاتىن.⠀يزرايل مەملەكەتىندە پاندەميا باستالعالى ءۇشىنشى لوكداۋن ەنگىزىلدى. تۇرعىندارعا ۇيلەرىنەن ءبىر شاقىرىمنان ارتىق قاشىقتىققا سەبەپسىز شىعۋعا تىيىم سالىندى, ءبىرىنشى قاجەتتىلىكتەگى تاۋارلار مەن قىزمەتىن ۇسىنبايتىن بارلىق دۇكەندەر مەن كاسىپورىندار جابىلدى.