ءشامشى قالداياقوۆتىڭ ەسكەرتكىشى اشىلدى

ءشامشى الەمىن كەڭىنەن ناسيحاتتاۋ ماقساتىندا الماتى قالاسىنان ارنايى تۇركىستان وڭىرىنە كەلگەن زيالى قاۋىم الدىمەن ارىس قالاسىنا ايالدادى. قۇرامىندا مادەنيەت جانە ونەر قايراتكەرلەرى, تانىمال جۋرناليستەر, ءشامشىنىڭ زامانداستارى مەن تۋىستارى بار رۋحاني كەرۋەندى ارىس قالاسىنىڭ اكىمى مۇرات قادىربەك كۇتىپ الىپ, ءشامشى انگە قوسقان ارىس جاعاسىنداعى اجارلى قالا­نىڭ بۇگىنگى كەلبەتىمەن تا­نىس­­تىردى. ودان كەيىن كوپەن امىر­بەك, تىلەۋبەردى بيناش, اسەلحان قالىبەكوۆا, قازىبەك يسا, قۇرمانبەك وڭالبەك, الىبەك شەگەباي سىندى ونەر ماي­تالماندارى باستاعان دەلەگاتسيا ءشامشىنىڭ تۋعان اۋىلىندا بولدى. قوناقتار الدىمەن ش.قالداياقوۆ اۋىلىنداعى كومپوزيتور ەسكەرتكىشىنە گۇل شوقتارىن قويىپ, «وتىرار» ح­الىق تەاترى ارتىستەرىنىڭ ورىن­داۋىنداعى ء«شامشى» قويى­لىمىن تاماشالادى. كوم­پو­زيتوردىڭ مەرەيتويىنا وراي اشىل­عان ش.قالداياقوۆتىڭ مۋ­زەيىندە بولعان قوناقتار ءشامشى جاي­لى ەستەلىكتەرى مەن اسەرلى اڭگىمەلەرىمەن ءبولىستى.

سونداي-اق ارىستان باب كەسەنەسىنە زيارات جاساعان دەلەگاتسيا وكىلدەرى تۇركىستاندا ش.قالداياقوۆ ەسكەرتكىشىنىڭ اشىلۋىنا قاتىستى. تۇركىستان قالاسىنداعى «اقجايىق» مۋ­زى­كا مەكتەبىنىڭ الدىندا ورنا­تىلعان ەسكەرتكىشتىڭ اشىلۋ سالتا­ناتىندا وبلىس اكىمى ومىر­زاق شوكەەۆ تۇركىستان وبلىسى قازاق دالاسىنا قانشاما دارىندى سىيلاعان كيەلى مەكەن ەكەنىن اتاپ ءوتتى. «انىمەن كەڭ دالانى تەربەتىپ, قازاق ءۆالسىنىڭ كو­رولى اتانعان, قازاقستان رەس­پۋبليكاسى ءانۇرانىنىڭ اۆتورى ءشامشى قالداياقوۆتىڭ بيىل تۋعانىنا 90 جىل تولىپ وتىر. وتىراردا تۋىپ, ءان پاديشاھى اتانعان, قايتالانباس دارىن يەسىنىڭ ەسىمىن ۇلىقتاۋ – بىزگە ارتىلعان ابىرويلى مىندەت. تۇركىستان قالاسىنىڭ جاڭا ور­تالىعىندا بوي كوتەرگەن كوم­پوزيتوردىڭ ەسكەرتكىشى – وبلىس جۇرتشىلىعىنا, قازاق ەلىنە مەرەكە قارساڭىندا تاماشا تارتۋ بولىپ وتىر»,  دەدى وبلىس اكىمى.

قولادان قۇيىلعان ەسكەرت­كىش­تىڭ بيىكتىگى – 2,5, ۇزىندىعى – 3,5 مەتر. اۆتورى – قازاقستاننىڭ ەڭبەك سىڭىرگەن ونەر قايراتكەرى, ءمۇسىنشى تىلەۋبەردى بيناش. ەسكەرتكىش دەمەۋشىلەر ەسەبىنەن جاسالعان. شىعارماشىلىق وي ۇستىندە وتىرعان كومپوزيتور بەي­نەسىنىڭ جاس جەتكىنشەكتەردى ونەر­گە, مادەنيەتكە باۋليتىن «اقجايىق» مۋزىكا مەكتەبىنىڭ اۋلاسىندا بوي كوتەرۋى – زاڭدى­لىق. قازاق رۋحانياتىنىڭ جان­دا­نۋىنا ولشەۋسىز ۇلەس قو­سىپ, بۇكىل قازاق جەرىن تەربەت­كەن ءشامشى بەينەسى جاس ونەر­پاز­داردى ىزگىلىككە, ونەرگە, رۋحاني بايلىققا باعىتتارى انىق.

تۇركىستان وبلىسى