سولتۇستىك قازاقستان وبلىسىندا ۋچاسكەلىك پوليتسيا ينسپەكتورى قىزمەتىن ۇزدىك اتقارىپ جۇرگەن كاپيتان رينات وماروۆ تاۋەلسىزدىك قۇرداستارىنىڭ ءبىرى. ونىڭ ىشكى ىستەر ورگاندارىندا قىزمەت ەتە باستاعانىنا 6 جىل بولدى. ىسىنە تىڭعىلىقتى, ادامدارمەن وڭاي ءتىل تابىساتىن ول ءوز ۋچاستوگىندا قۇرمەتكە بولەنگەن. ونىڭ قىزمەت كورسەتەتىن ۋچاستوگى - ۆوكزال ايماعى – قالاداعى ءار ءتۇرلى ادامدار كوپ جۇرەتىن اۋدانداردىڭ ءبىرى. رينات ىشىمدىك ىشكەن ادامدارمەن داۋلى ساتتەر ءجيى تۋىندايتىنىن اتاپ وتەدى. قازىر ۋچاسكەلىك ينسپەكتورلار تاسىمالدى بەينەتىركەگىشتەرمەن جابدىقتالعاننان بەرى داۋلاردى شەشۋ وڭايىراق بولا باستاعان.
قازىر ءاربىر ينسپەكتور مالىمەتتەر بازاسىنا وڭاي كىرىپ, بۇزۋشىنىڭ باسقا دا جازالارى بار-جوق ەكەنىن تەز انىقتايدى. بۇعان دەيىن ۋچاسكەلىك پوليتسيا قىزمەتكەرلەرى مۇنداي اقپاراتتى تەلەفون ارقىلى العان. ەندى قىلمىسكەردىڭ جسن ەنگىزۋ جەتكىلىكتى, ەكراندا قاجەتتى اقپارات پايدا بولادى. سوندىقتان حاتتامالاردى تولتىرۋ ۋاقىتى ايتارلىقتاي قىسقاردى. «ۆوكزال ماڭىنىڭ ەرەكشەلىگى, - دەيدى رينات, - مۇندا جانجال شىعارۋشىلار, بۇزاقىلار جانە بۇرىن سوتتالعاندار كوپ. ولاردىڭ ارقايسىسىمەن جەكە پروفيلاكتيكالىق جۇمىستار جۇرگىزىلەدى. ۆوكزال ماڭى اۋماعىندا جالعا بەرىلەتىن پاتەرلەرگە ەرەكشە كوڭىل بولىنەدى, ولاردىڭ سانى 50-گە جۋىق. بىرەۋى وتە قيىن بولدى, كورشىلەرى جاستاردىڭ تۇنگى جيىندارىنا, كىرەبەرىستە ۇنەمى بەيتانىس ادامداردىڭ بولۋىنا ءجيى شاعىمداندى. بىرنەشە رەت پاتەر بيۋروسىنىڭ اكىمشىلىگىمەن سويلەسۋگە تۋرا كەلدى. ماسەلە وسى پاتەردى ۇزاق مەرزىمگە جالعا بەرىلگەن كەزدە عانا شەشىلدى. سودان بەرى سول كىرەبەرىستە تۇراتىن ادامدار تىنىش ۇيىقتاپ, شاعىمدانۋلار توقتالدى».
ء«بىزدىڭ قىزمەت جۇزدەگەن وقيعالاردان تۇرادى. ءسىز ءار مينۋت سايىن كۇتپەگەن جاعدايعا دايىن بولۋىڭىز كەرەك. تاۋەلسىزدىكتىڭ قۇرداسىمىن دەگەن وي - كوپ نارسەگە مىندەتتەيدى. اينالادا بولىپ جاتقان وقيعالارعا جاۋاپكەرشىلىك قاراۋ مەنىڭ قاتارلاستارىما انا سۇتىمەن دارىعان دەپ بىلەمىن. مەن بارشا قازاقستاندىقتاردى باستى مەملەكەتتىك مەرەكەمەن قۇتتىقتاي وتىرا, بۇل مەرەكە بارىنە كۇش پەن شابىت بەرەتىن قاينار كوز بولىپ قالا بەرسىن», - دەدى ول ءسوزىنىڭ سوڭىندا.
سولتۇستىك قازاقستان وبلىسى