شىمكەنتتىك پوليتسەيلەر جەر قويناۋىن قازىپ جاتقان ەكى ازاماتتى وقيعا ورنىندا ۇستادى, دەپ حابارلايدى Egemen.kz Polisia.kz سايتىنا سىلتەمە جاساپ.
2020 جىلدىڭ 10 جەلتوقسانىندا شىمكەنت قپد جپقب تابيعاتتى قورعاۋ پوليتسياسى توبىنىڭ قىزمەتكەرلەرى شىمكەنت قالاسى بويىنشا ەكولوگيا دەپارتامەنتى, شىمكەنت قالاسى اباي اۋدانى əكىمى اپپاراتى قىزمەتكەرلەرى جانە اباي اپب-نىڭ ۋچاسكەلىك پوليتسيا ينسپەكتورلارىمەن بىرلەسىپ جەدەل الدىن الۋ رەيدتىك ءىس-شاراسى اياسىندا شىمكەنت قالاسىنداعى قىزىلجار ەلدى مەكەنى ارقىلى اعىپ وتەتىن “بادام” وزەنىنىڭ جاعاسىندا “حۋنداي” ماركالى ەكسكاۆاتور جانە “Shacman” ماركالى اۋىر جۇك كولىگىن پايدالانا وتىرىپ, جەر قويناۋىن زاڭسىز قازىپ جاتقان ەكى تۇرعىندى ۇستادى.
ەكسكاۆاتور ءماشينيسى بولىپ تابىلاتىن ازاماتتىڭ جەرگىلىكتى تۇرعىن ەكەنى, ال “Shacman” ماركالى اۋىر جۇك كولىكتىڭ جۇرگىزۋشىسى تۇركىستان وبلىسىنىڭ تۇرعىنى ەكەنى انىقتالىپ, وعان قاتىستى قر اقبتك-ءنىڭ 590-بابى 2-بولىگىمەن (مەملەكەتتiك تiركەۋ ءنومiرi بەلگiلەرi (بەلگiسi) جوق نەمەسە پايدالانۋعا تىيىم سالىنعاننان كەيiن نەمەسە بەلگiلەنگەن تارتiپپەن تiركەلمەگەن كولiك قۇرالىن باسقارۋ) اكىمشىلىك حاتتاما تولتىرىلدى.
قورشاعان ورتاعا كەلتىرىلگەن شىعىن كولەمىن ەكولوگيا دەپارتامەنتى انىقتايدى.
سونداي-اق شىمكەنت قپد جپقب تابيعاتتى قورعاۋ پوليتسيا توبىنىڭ قىزمەتكەرلەرى اتالعان جايتقا قاتىستى جيناقتالعان قۇجاتتاردى قولدانىستاعى زاڭناماعا سايكەس شارا قولدانۋ ءۇشىن شىمكەنت قپد اباي اپب-نىڭ انىقتاۋ بولىمىنە جولدادى.