باسەكەلەستىكتى قورعاۋ جانە دامىتۋ اگەنتتىگىنىڭ باتىس قازاقستان وبلىسى بويىنشا دەپارتامەنتى «حالىقارالىق «ورال» اۋەجايى» جشس-عا قاتىستى جۇرگىزىلگەن تەرگەپ-تەكسەرۋدى اياقتادى, دەپ حابارلايدى Egemen.kz.
زەرتتەۋ ناتيجەسىندە اۋەجاي كومپانياسىنىڭ اۆياوتىندى ساتۋ كەزىندە نارىقتاعى ۇستەم جاعدايىن تەرىس پايدالانعانى انىقتالدى. اتاپ ايتقاندا, كاسىپورىن وبەكتيۆتى ءارى ەكونوميكالىق تۇرعىدان نەگىزدەلمەگەن سەبەپتەرسىز ءارتۇرلى باعالار قولدانعان. سونىڭ سالدارىنان كەيبىر كومپانيالار اۆياوتىندى باسقا نارىق قاتىسۋشىلارىنا قاراعاندا تومەن باعامەن ساتىپ العانى بەلگىلى بولدى.
اتالعان دەرەكتەرگە بايلانىستى دەپارتامەنت تاراپىنان «حالىقارالىق «ورال» اۋەجايى» جشس-عا باسەكەلەستىك زاڭناماسىن بۇزۋ بەلگىلەرى بار ەكەنى جونىندە حابارلاما جولداندى.
استانا اۋەجايىندا رەيستەر كەستەسى ۋاقىتشا وزگەرەدى
قازىرگى ۋاقىتتا كاسىپورىن بۇل حابارلامانى ورىنداپ, انىقتالعان زاڭبۇزۋشىلىقتاردى جويۋ بويىنشا ءتيىستى شارالار قابىلدادى.