شەتەلدە «بولاشاق» ستيپەنديالىق باعدارلاماسى بويىنشا ءبىلىم الىپ جاتقان ستۋدەنتتەر قازاقستان رەسپۋبليكاسى تاۋەلسىزدىگىنىڭ 29 جىلدىعىنا ارنالعان «مەنىڭ تۋىم. مەنىڭ وتانىم!» چەللەندجىنە قولداۋ ءبىلدىردى, دەپ حابارلايدى Egemen.kz.
«بولاشاق» باعدارلاماسىنىڭ ستۋدەنتتەرى «مەنىڭ تۋىم. مەنىڭ وتانىم!» اكتسياسىن قولدايدى. ولار بۇكىل الەم بويىنشا اكتسياعا قاتىسۋدا. شەتەلدە وقيتىن ستۋدەنتتەر ءۇشىن تۋ جاي عانا سيمۆوليكا ەمەس. بۇل تۋعان جەرىمىزدى ەسكە تۇسىرەتىن ءۇيىمىزدىڭ, ءوزىمىزدىڭ بولىگىمىز. ەلىنەن جىراقتاعى ستۋدەنتتەر وزدەرىن ەرەكشە پاتريوت سەزىنەدى. ولار ءاردايىم قازاقستاننىڭ تۋىن جەلبىرەتەدى, ءبىزدىڭ ەل تۋرالى, مادەنيەت پەن ءداستۇرىمىز تۋرالى ۇنەمى ايتىپ جۇرەدى», - دەيدى قازاقستان رەسپۋبليكاسى پرەزيدەنتىنىڭ «بولاشاق» حالىقارالىق ستيپەندياسى ستيپەندياتتارى قاۋىمداستىعىنىڭ اتقارۋشى ديرەكتورى لاۋرا دەمەسىنوۆا.
حالىقارالىق «بولاشاق» ستيپەنديالىق باعدارلاماسى - قازاقستانداعى ەڭ تانىمال ءبىلىم بەرۋ باعدارلامالارىنىڭ ءبىرى. بۇگىنگە دەيىن 13 976 ادام ستەپەنديا يەگەرى بولدى.
اكتسيانى ەلوردالىقتار قولداپ, بالكوندارىنا تۋ ءىلىپ قويدى. وسىلايشا, قالا تۇرعىندارى قازاقستاندىقتاردى كەلە جاتقان مەرەكەلەرىمەن قۇتتىقتاپ, ولاردى چەللەندجدى قولداۋعا شاقىردى. سونداي-اق ازاماتتار #مەنىڭتۋىم #مەنىڭتۋىممەنىڭوتانىم #مويفلاگمويارودينا #تسۆەتموەيرودينى #بىزدىڭورتاقمەرەكە #ناشوبششيپرازدنيك حەشتەگىمەن قازاقستان رەسپۋبليكاسىنىڭ تۋىمەن بايلانىستى جازبالار, فوتوسۋرەتتەر, ۆيدەو مەن سيۋجەتتەر جاريالاۋ ارقىلى چەللەندجگە قاتىسا الادى.