سقو ايىرتاۋ اۋدانى قاراتال اۋىلىنىڭ تۇرعىنى قاراشا ايىنىڭ سوڭىندا تەبىندە جۇرگەن 25 جىلقىسىنان كوز جازىپ قالادى.
ەكى كۇن بويى ءوزى ىزدەپ تابا الماعان سوڭ پوليتسياعا قايرىلۋعا ءماجبۇر بولادى. جەدەل-ىزدەستىرۋ شارالارىنىڭ بارىسىندا پوليتسيا سۋلىكول اۋىلىنىڭ 45 جاستاعى تۇرعىنىنان كۇدىكتەنەدى. قاعا كەلگەندە كۇدىك شىندىققا اينالادى. باقتاشى بولىپ ىستەيتىن بۇل ادام يەسىز جۇرگەن ءبىر تابىن جىلقىنى ايداپ الادى. ءوزىنىڭ ايتۋىنا قاراعاندا جەتى جىلقىنى سويىپ, ەتكە وتكىزەدى دە 18 جىلقىنى ءوزى قارىز بولعان ادامدارىنا تاراتىپ بەرەدى.
ارينە, مۇنداي ۇلكەن قىلمىستى ءبىر ادامنىڭ ىستەۋى مۇمكىن ەمەس, بىراق پوليتسيا ازىرگە ونىڭ سوزىنە سەنىپ وتىر... ءبىر جىلقىنى ءبىر ادامنىڭ سويۋى دا وڭاي ەمەس ەكەنى بەلگىلى. ايىرتاۋ اۋداندىق پوليتسيا ءبولىمىنىڭ باستىعى مارات سەركەشەۆ قىلمىسكەردىڭ ۇستىنەن ءىس قوزعالعانىن, ءۇيىن تەكسەرۋ بارىسىندا ءبىر ميلليوننان تەڭگەدەن ارتىق اقشا تابىلعانىن جانە ايتقان.
سولتۇستىك قازاقستان وبلىسى