پەتروپاۆلدىڭ پوليتسياسىنا كوشۋكوۆ كوشەسىندەگى ازىق-ت ۇلىك دۇكەندەرىنىڭ بىرىنەن بەلگىسىز جاس جىگىتتىڭ ءۇش شيشا اراق پەن باسقا دا زاتتار سالىنعان ەكى پاكەتتى اشىق تۇردە ۇرلاعانى تۋرالى دابىل تۇسكەن. ول قاراپايىم ساتىپ الۋشى بولىپ دۇكەنگە كىرىپ, ەكى پاكەت زات العان. ال ساتۋشى كەلەسى تاۋاردى الۋ ءۇشىن بولمەنىڭ تۇكپىرىنە كەتكەندە, پاكەتىن الىپ, بەلگىسىز جاققا قاشا جونەلگەن, دەپ حابارلايدى Egemen.kz.
جەدەل-ىزدەستىرۋ ءىس-شارالارى كەزىندە كريمينالدىق پوليتسيا قىزمەتكەرلەرى جارتى ساعات ىشىندە بەينەكامەراعا ءتۇسىپ قالعان جانە ساتۋشى سيپاتتاعان ادامعا ۇقسايتىن جىگىتتى ۇستادى. ول شال اقىن اۋدانىنىڭ 31 جاسار تۇرعىنى بولىپ شىقتى. پوليتسەيلەر ۇستاعان كەزدە ول دۇكەننەن ۇرلاعان اششى سۋعا لىق تويىپ, ماس كۇيدە بولعان. قازىر ونىڭ ۇستىنەن قىلمىستىق ءىس قوزعالدى.