پەتروپاۆلدىڭ 25 جاستاعى ايەل تۇرعىنى ينتەرنەت ارقىلى جيھاز ساتۋعا حابارلاندىرۋ بەرگەن. كوپ كەشىكپەي «الۋشى» حابارلاسىپ, ادەمى سويلەپ, «اقشا اۋدارۋ ءۇشىن» قىزدىڭ جەكە دەرەكتەرىن سۇرايدى. ءبىرشاما ۋاقىتتان كەيىن ۆاتساپ ارقىلى «الۋشى» قايتا حابارلاسىپ, بۇل كارتاعا اقشا اۋدارۋ مۇمكىن بولماعانىن, سوندىقتان باسقا ءبىر كارتا بولسا ايتۋدى وتىنگەن. ويتكەنى, ونىڭ كارتاسىندا ۇرلايتىن اقشا بولماعان بولۋى كەرەك, دەپ حابارلايدى Egemen.kz.
تاۋارىنىڭ جاقسى باعاعا وتەتىنىنە قۋانعان قىز قۇربىسىنان ءوزىنىڭ دەرەكتەرىن بەرۋدى سۇرايدى. دوسى ايتقان سوڭ امال بار ما, ول قىز دا وڭاي كونىپ, بارلىق دەرەكتەرىن بەرە سالعان. «الۋشى» وعان تاعى حابارلاسىپ, SMS-پەن كەلەتىن سانداردى دا ايتۋدى وتىنگەن. ءبارىن بەرگەن قىز ءوزىنىڭ بانكتەگى دەپوزيتىنەن 1 ملن 300 مىڭ تەڭگەنىڭ جوق بولىپ كەتكەنىن ءبىر-اق كورىپ, سانىن سوعادى.
الۋشىنىڭ الاياق ەكەنىن سوندا عانا بىلگەن قىزدار پوليتسياعا قايرىلۋعا ءماجبۇر بولعان. جىل باسىنان بەرى بۇل وبلىس اۋماعىندا تىركەلگەن 375-ءشى ينتەرنەت – الاياقتىق بولىپ وتىر.