قاۋىپسىزدىك سەرتيفيكاتىن قالاي ورناتادى؟

«كسەلل» اق Kcell جانە اctiv ابونەنتتەرىنە ينتەرنەتكە قولجەتىمدىلىگى بار دەربەس قۇرىلعىلارعا «قاۋىپسىزدىك سەرتيفيكاتىن» ورناتۋ قاجەتتىلىگى تۋرالى حابارلايدى.

دەربەس جانە ەسەپتىك دەرەكتەردىڭ, سونداي-اق قازاقستاندىقتاردىڭ بانكتىك شوتتارىنان اقشانىڭ ۇرلانۋ جاعدايلارىنىڭ جيىلەپ كەتۋىنە بايلانىستى, اقپاراتتىق كەڭىستىكتى حاكەرلەردەن, ينتەرنەت-الاياقتاردان جانە ءتۇرلى كيبەرقاۋىپتەردەن قورعاۋدىڭ ءتيىمدى قۇرالى بولاتىن قاۋىپسىزدىك سەرتيفيكاتىن ەنگىزدى.

قاۋىپسىزدىك سەرتيفيكاتىن ەنگىزۋ اقپاراتتىق جۇيەلەر مەن دەرەكتەردى قورعاۋعا, سونداي-اق ەلىمىزدىڭ اقپاراتتىق كەڭىستىگى جۇيەسىنە, جەكە, سونىڭ ىشىندە بانكتىك سەكتورعا ينتەرنەت-الاياقتاردىڭ حاكەرلىك, كيبەرشابۋىلدارىن زيان كەلتىرگەنگە دەيىن انىقتاۋعا كومەكتەسەدى.

قاۋىپسىزدىك سەرتيفيكاتى — بۇل شيفرلاۋدى قولدايتىن حاتتامالاردى قامتيتىن ترافيكتى وتكىزۋ ءۇشىن قولدانىلاتىن ەلەكتروندىق تسيفرلىق سيمۆولداردىڭ جيىنتىعى. وسىلايشا, ول ينتەرنەت جەلىسىنىڭ قازاقستاندىق پايدالانۋشىلارىن حاكەرلىك شابۋىلداردان جانە زاڭعا قايشى كونتەنتتى كورۋدەن قورعاۋعا مۇمكىندىك بەرەدى.

زاڭنامانىڭ تالاپتارىنا سايكەس بايلانىس وپەراتورلارى بايلانىس قىزمەتتەرىن كورسەتۋگە شارت جاساسقان ابونەنتتەرى اراسىندا قاۋىپسىزدىك سەرتيفيكاتىن تاراتۋدى قامتاماسىز ەتەدى.

"قاۋىپسىزدىك سەرتيفيكاتىن ورناتۋ ينتەرنەتكە كىرۋ ءۇشىن قولدانىلاتىن ءاربىر قۇرىلعىدان (iOS/Android نەگىزىندەگى ءموبيلدى تەلەفوندار جانە پلانشەتتەر, Windows / MacOS نەگىزىندەگى دەربەس كومپيۋتەرلەر جانە نوۋتبۋكتەر) ورىندالۋى قاجەت ەكەنىنە نازارىڭىزدى اۋدارامىز. ابونەنتتىك قۇرىلعىلاردا قاۋىپسىزدىك سەرتيفيكاتى بولماعان جاعدايدا, جەكەلەگەن ينتەرنەت-رەسۋرستارعا قول جەتكىزۋدە تەحنيكالىق شەكتەۋلەر تۋىنداۋى مۇمكىن", دەپ حابارلادى «كسەلل».

قاۋىپسىزدىك سەرتيفيكاتتارىن جۇكتەۋ سىلتەمەلەرى:

Kcell

Activ

Beeline

Altel

Tele2

ەسكە سالا كەتەيىك, تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى ۇلتتىق قاۋىپسىزدىك كوميتەتىمەن بىرگە بۇگىننەن باستاپ ەلوردادا "كيبەر-قاۋىپسىزدىك نۇر-سۇلتان-2020" وقۋ-جاتتىعۋىن وتكىزەدى.