ەەك كەشەندى ىنتىماقتاستىققا ۇمتىلادى

ءىس-شارا ەەك الاڭىندا ەەك ەكونوميكا جانە قارجى ساياساتى جونىندەگى القا مۇشەسى (مينيستر) تيمۋر جاقسىلىقوۆتىڭ, ەۋروپالىق كوميسسيانىڭ جانە ەاەو مەن ەۋرووداق ەلدەرى ىسكەرلىك قوعامداستىعى وكىلدەرىنىڭ قاتىسۋىمەن ءوتتى. ەەك مينيسترى تيمۋر جاقسىلىقوۆ ەاەو-نىڭ قارىمدى ساۋدا, ينۆەستيتسيالىق جانە تەحنولوگيالىق ارىپتەسى بولىپ تابىلاتىن ەو-مەن ديالوگتى جانداندىرۋعا دەگەن جوعارى مۇددەلىلىكتى اتاپ ءوتتى. بۇگىندە ەۋرووداقتىڭ ۇلەسىنە تيەتىنى – حالىقارالىق ساۋدا اعىندارىنىڭ جارتىسىنان استامىنا جۋىعى.

"ەەك ەۋروپالىق كوميسسيامەن اسىرەسە تەحنيكالىق رەتتەۋ, ۆەتەريناريالىق فيتوسانيتاريالىق قاعيدالار مەن راسىمدەر, كەدەندىك اكىمشىلىك جۇرگىزۋ سياقتى سالالاردا كەشەندى ءارى جان-جاقتى ىنتىماقتاستىققا ۇمتىلادى. بۇل سالالاردا قازىردىڭ وزىندە بەلگىلى ءبىر ءوزارا ءىس-قيمىل باستالدى", دەدى ەەك مينيسترى.

سونىمەن بىرگە, ونىڭ پىكىرىنشە, ەاەو مەن ەو اراسىنداعى ءوزارا ءىس-قيمىل دەڭگەيى ازىرگە – دامۋدىڭ باستاپقى باعىتىندا. بۇل رەتتە ول "ليسسابون – ۆلاديۆوستوك" باستاماسىنا جالپى ەۋرازيالىق كەڭىستىكتەگى ديالوگتى قۇرىلىمداۋ مەن تەرەڭدەتۋ جونىندەگى كۇش-جىگەرى ءۇشىن ريزاشىلىق ءبىلدىردى. 

"بۇل باستاما ەاەو-ەو ديالوگى فورماتىندا ءوزارا ءىس-قيمىلدى دامىتۋ ءۇشىن بازا دايىنداۋعا ماڭىزدى ۇلەس قوسادى", دەپ سانايدى تيمۋر جاقسىلىقوۆ.

ءوز كەزەگىندە "ليسسابون – ۆلاديۆوستوك" باستاماسى باسقارماسىنىڭ توراعاسى ۋلف شنايدەر ونىڭ جوعارى ماڭىزىن, سول سياقتى دوڭگەلەك ۇستەلگە قاتىسشىلاردىڭ ءىس-شاراعا دەگەن كوتەرىڭكى ىنتاسىن اتاپ ءوتتى. ەو ەلدەرىنىڭ جەتى ەلىنىڭ ءارتۇرلى قاۋىمداستىقتارى مەن كومپانيالارى وكىلدەرىنىڭ دوڭگەلەك ۇستەلگە قاتىسۋى – ەاەو-مەن ىنتىماقتاستىقتىڭ وزەكتىلىگىن ايعاقتايدى.

رەسەيدەگى ەۋروپالىق بيزنەستەر قاۋىمداستىعىنىڭ (ەبق) پرەزيدەنتى يوحان ۆاندەرپلاتستىڭ پىكىرىنشە, بۇگىندە ەۋروپالىقتار ەلدەر اراسىنداعى سينەرگياسى جوعارى دەڭگەيدەگى اسا ءىرى "شىنايى جوبالاردىڭ" ءبىرى – ەۋرازيالىق ەكونوميكالىق وداقتا بولىپ جاتقان پروتسەستەردى وتە مۇقيات قاداعالاپ وتىر.