ەۋرازيالىق ەكونوميكالىق كوميسسيا (ەەك) ەۋرازيالىق ەكونوميكالىق وداقتىڭ ينتەگراتسيالانعان اقپاراتتىق جۇيەسىنە (ياج, ەاەو) كەشەندى تەحنيكالىق ساراپتاما جۇرگىزۋ جونىندەگى ورىنداۋشىنى ايقىنداۋ كونكۋرسىنا قاتىسۋ ءۇشىن وتىنىمدەر قابىلداۋدى باستادى.
ينتەگراتسيالانعان اقپاراتتىق جۇيە (ياج) – مەملەكەتارالىق دەرەكتەر مەن ەلەكتروندى قۇجاتتار الماسۋدى قامتاماسىز ەتۋگە ارنالعان جانە ەاەو اياسىنداعى اۋقىمدى جوبا. بۇل جۇمىسقا قاتىسۋ IT كومپانيالارعا حالىقارالىق نارىققا شىعۋعا, ءوز الەۋەتىن اشۋعا جانە بەدەلىن ارتتىرۋعا مۇمكىندىك بەرەدى.
بيىل 19 مامىردا مەملەكەت باسشىلارىنىڭ وتىرىسى اياسىندا پرەزيدەنت ق.توقاەۆ ياج-دى ىسكە قوسۋ بويىنشا جۇمىستاردى جانداندىرۋ قاجەتتىگىن ايتقان ەدى. وسى ماقساتتا ەەك كەڭەسى كەشەندى تەحنيكالىق ساراپتاما جۇرگىزۋ تۋرالى شەشىم قابىلدادى.
كەشەندى تەحنيكالىق ساراپتاما شەڭبەرىندە ورىنداۋشى جۇيەلى-تەحنيكالىق ينفراقۇرىلىمدى, جوبالىق باسقارۋ بولىگىندە ياج-دىڭ اۋقىمدى ءاۋديتىن, سونداي-اق قۇقىقتىق اكتىلەرگە تالداۋ جۇرگىزۋى ءتيىس. كەشەندى تەحنيكالىق ساراپتاما اتالعان جۇيەنىڭ ءالسىز جەرلەرىن انىقتاۋعا, قول ناتيجەلەردى تالداۋعا جانە اقپاراتتىق ءوزارا ءىس-قيمىلدى قامتاماسىز ەتۋ بويىنشا جاڭا تاسىلدەردى قالىپتاستىرۋعا جول اشادى. كەشەندى تەحنيكالىق ساراپتامانىڭ ناتيجەلەرىن ەەك كەڭەسى كەلەسى جىلدىڭ 1-توقسانىنىڭ سوڭىندا قارايدى دەپ جوسپارلانۋدا.