تۇركىستان وبلىسىنىڭ پوليتسەيلەرى كەزەكتى كوكپار ويىنىن ۇيىمداستىرۋشىلاردى جاۋاپقا تارتتى, دەپ حابارلايدى Egemen.kz Polisia.kz سايتىنا سىلتەمە جاساپ.
تۇرعىنداردىڭ كارانتين تالاپتارىن ساقتاۋىنىڭ الدىن الۋ بويىنشا رەيدتىك ءىس-شارالار تۇراقتى تۇردە جۇرگىزىلۋدە. وسىنداي كەزەكتى شارا بارىسىندا بايدىبەك اۋدانىنىڭ پوليتسەيلەرى كارانتيندىك رەجيم مەن سانيتارلىق-ەپيدەميولوگيالىق نورمالاردى بۇزعان تۇرعىنداردى انىقتادى.
بوگەن اۋىلدىق وكرۋگىندەگى ەركىن جايىلىمداردىڭ بىرىندە بايدىبەك اپب قىزمەتكەرلەرى جەرگىلىكتى تۇرعىننىڭ اس بەرۋ قۇرمەتىنە ۇيىمداستىرىلعان ۇلتتىق ويىندى وتكىزۋدى توقتاتتى.
ءتارتىپ ساقشىلارى ءىس-شاراعا قاتىسۋشىلارعا كارانتين تالاپتارىنا جول بەرمەۋ تۋرالى ءتۇسىندىرۋ اڭگىمەلەرىن وتكىزدى.
سونداي-اق شەكتەۋ شارالارىن بۇزا وتىرىپ, 100-گە جۋىق ادامدى جيناعان كوكپار ۇيىمداستىرۋشىلارىن جاۋاپقا تارتتى. ءىس-شارانى ۇيىمداستىرۋشىلارعا قاتىستى قر اقبتك-ءنىڭ 425-بابى (حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى زاڭناما تالاپتارىن, سونداي-اق گيگيەنالىق نورماتيۆتەردى بۇزۋ) بويىنشا اكىمشىلىك حاتتاما تولتىردى. جينالعان ماتەريالدار ءتيىستى زاڭدى شەشىم قابىلداۋ ءۇشىن قۇزىرەتتى ورگاندارعا جىبەرىلدى.
ەستەرىڭىزگە سالا كەتەيىك, باس مەملەكەتتىك سانيتارلىق دارىگەردىڭ قاۋلىسىنا سايكەس تۇركىستان وبلىسىنىڭ اۋماعىندا حالىق اراسىندا كوروناۆيرۋستىق ينفەكتسيانىڭ تارالۋىنىڭ الدىن الۋعا جانە جولىن كەسۋگە باعىتتالعان كارانتيندىك رەجيم ەنگىزىلگەن. وبلىستا سانيتارلىق-ەپيدەميولوگيالىق نورمالار تالاپتارىن بۇزۋشىلاردى انىقتاۋ بويىنشا كۇندەلىكتى پروفيلاكتيكالىق جانە رەيدتىك ءىس-شارالار جۇرگىزەتىن پوليتسيا قىزمەتكەرلەرىنەن, سەس جانە جەرگىلىكتى اتقارۋشى ورگاندار وكىلدەرىنەن تۇراتىن ءموبيلدى توپتار قۇرىلدى.
ءوز كەزەگىندە تۇركىستان وبلىسىنىڭ پوليتسەيلەرى ازاماتتاردى كارانتين رەجيمىن قاتاڭ ساقتاۋعا, مەديتسينالىق بەتپەردە كيۋگە, انتيسەپتيكتەردى قولدانۋعا جانە الەۋمەتتىك قاشىقتىقتى ساقتاۋعا شاقىرادى.
سونداي-اق ەگدە جاستاعى تۇرعىندار مەن بالالار شۇعىل قاجەتتىلىكسىز ۇيدەن شىقپاۋى كەرەك.