ەلوردادا تۇنگى كلۋبتىڭ اكىمشىسى ەكى تاۋلىككە قاماۋعا الىندى

پوليتسيا قىزمەتكەرلەرى, ەرىكتىلەر جانە اكىمدىك وكىلدەرى مەكەمەلەردىڭ سانيتارلىق نورمالارعا سايكەستىگىن تەكسەرەدى. تەكسەرۋشىلەر اتاپ وتكەندەي, ءجيى كەزدەسەتىن بۇزۋشىلىقتاردىڭ ءبىرى – جۇمىس كەستەسى مەن الەۋمەتتىك قاشىقتىقتىڭ ساقتالماۋى.

سونىمەن, 14 قاراشا كۇنى ساعات 01:39-دا "Adajio" رەستو-بارى ءوز جۇمىسىن جالعاستىردى. وندا شامامەن 30 كەلۋشى بولعان. 13 قاراشادا 22:00-دەن كەيىن "5enj" مەيرامحاناسى مەن "PeiZdes" لاۋندج-بارىندا ونداعان كەلۋشى بولعانى انىقتالدى.

سونىمەن قاتار كارانتين رەجىمىن بىرنەشە رەت بۇزعانى ءۇشىن "الانيا" تۇنگى كلۋبىنىڭ اكىمشىسى ەكى تاۋلىككە قاماۋعا الىندى. وندا كەلۋشىلەر سانيتارلىق دارىگەر بۇيرىعىن ەلەمەي, تۇنگى ۋاقىتتا دەمالىس وتكىزگەن.

ء"بىز مەكەمەلەردىڭ سانيتارلىق-ەپيدەميولوگيالىق تالاپتارعا سايكەستىگىن ۇنەمى تەكسەرىپ وتىرامىز. قۇقىق بۇزۋشىلىق فاكتىلەرى انىقتالعان جاعدايدا اكىمشىلىك شارالار قولدانىلادى. بۇگىنگى تاڭدا ەسىل اۋدانىندا 1330 وبەكتىگە مونيتورينگ جۇرگىزىلىپ, ونىڭ 204-ىنە ايىپپۇل سالىندى. كوبى جۇمىس كەستەسىن بۇزادى. قاۋلىعا سايكەس, قوعامدىق تاماقتانۋ پۋنكتتەرى تۇنگى ساعات 22:00-گە دەيىن جۇمىس ىستەۋى كەرەك, بىراق كوپتەگەن مەكەمەلەردە جۇمىس كەشكى 10-نان كەيىن جالعاسۋدا", دەدى ەسىل اۋدانى سانيتارلىق-ەپيدەميالىق قاداعالاۋ باسقارماسى باسشىسى ايمان جاناتاەۆا.

قۇقىق بۇزۋشىلارعا قاتىستى جينالعان ماتەريال جاۋاپكەرشىلىككە تارتۋ ءۇشىن تاۋارلار مەن قىزمەتتەر ساپاسى مەن قاۋىپسىزدىگىن باقىلاۋ باسقارماسىنا جىبەرىلدى.

بۇرىن حابارلانعانداي, 11 قاراشاداعى جاعداي بويىنشا نۇر-سۇلتان قالاسى تاۋارلار مەن قىزمەتتەر ساپاسى مەن قاۋىپسىزدىگىن باقىلاۋ كوميتەتىنىڭ اۋداندىق باسقارمالارىنا كارانتيندى بۇزعان ادامدارعا قاتىستى اۋداندىق پوليتسيا باسقارمالارىنان 1981 ماتەريال كەلىپ تۇسكەن. جالپى سوماسى 184 370 856 تەڭگەگە 905 جەكە, لاۋازىمدى جانە زاڭدى تۇلعالار اكىمشىلىك جاۋاپكەرشىلىككە تارتىلدى.

بۇگىنگى تاڭدا جالپى سوماسى 146 574 535 تەڭگەگە 717 اكىمشىلىك ايىپپۇل تولەندى.